തിരുവനന്തപുരം: തമ്പാനൂര് കോണ്ഗ്രസ് കമ്മിറ്റി യോഗത്തില് ഭാരവാഹികള് തമ്മില് കൂട്ടത്തല്ല്. സ്ഥാനാര്ത്ഥി നിര്ണയ ചര്ച്ചകള്ക്കിടെയാണ് കോണ്ഗ്രസ് ഐ, എ വിഭാഗങ്ങള് തമ്മിൽ അടിയുണ്ടായത്. സംഭവത്തിൽ മണ്ഡലം പ്രസിഡന്റ് പി കെ വിജയകുമാറിനു തലയ്ക്ക് അടിയേറ്റു. ഇയാളെ സ്വകാര്യ ആശുപത്രിയില് പ്രവേശിപ്പിച്ചു.
തമ്പാനൂര് വാര്ഡിലേക്ക് കോണ്ഗ്രസ് എ വിഭാഗം സ്ഥാനാര്ത്ഥിയെ നിര്ദ്ദേശച്ചതിനെ മുന് കൗണ്സിലറും ഐ വിഭാഗം നേതാവ് കൂടിയായ ഹരികുമാര് എതിര്ത്തതാണ് കൂട്ടത്തല്ലിൽ കലാശിച്ചത്. അതേസമയം, പ്രകോപനമില്ലാതെ ഹരികുമാര് ആക്രമിക്കുകയായിരുന്നു എന്നാണ് എ വിഭാഗത്തിന്റെ ആരോപണം.
സ്ഥാനാര്ത്ഥി നിര്ണയം പിന്നീട് മതിയെന്നാണ് താന് പറഞ്ഞതെന്നും ആരെയും ആക്രമിച്ചിട്ടില്ലെന്നും ഹരികുമാർ പ്രതികരിച്ചു. ഓടുന്നതിനിടെയാണ് മണ്ഡലം പ്രസിഡന്റിന് പരിക്കേറ്റതെന്ന് ഹരികുമാര് മാദ്ധ്യമങ്ങളോട് പറഞ്ഞു.
Comments