കൊച്ചി: ഇന്ത്യന് സൂപ്പര് ലീഗ് ഏഴാം സീസണിനുള്ള കേരള ബ്ലാസ്റ്റേഴ്സ് എഫ്സിയുടെ അസോസിയേറ്റ് സ്പോണ്സറായി സേവ് ബോക്സ്. കേരളത്തിന്റെ ആദ്യ ബിഡിംഗ് ആപ്ലിക്കേഷനായ സേവ് ബോക്സ്, 2020 ഡിസംബറില് എല്ലാ ആരാധകരിലേക്കും തത്സമയം എത്തും. ഇലക്ട്രോണിക്സ്, ഗാര്ഹിക ഉപകരണങ്ങള് തുടങ്ങി വിവിധ വിഭാഗങ്ങളില് നിന്നുള്ള ഉത്പ്പന്നങ്ങള് ആളുകള്ക്ക് ലേലം വിളിച്ചെടുക്കാന് കഴിയുന്ന പ്ലാറ്റ്ഫോമായിരിക്കും ഇത്.
മൊബൈല് ഫോണുകള്, ലാപ്ടോപ്പുകള്, ക്യാമറകള് തുടങ്ങിയവ പരമാവധി വിലക്കുറവില് ആപ്ലിക്കേഷനിലൂടെ ലേലം വിളിക്കുന്നവര്ക്ക് നേടിയെടുക്കാനാവും. പങ്കാളിത്തത്തിന്റെ ഭാഗമായി, വരും സീസണില് താരങ്ങള് ധരിക്കുന്ന ഔദ്യോഗിക കേരള ബ്ലാസ്റ്റേഴ്സ് എഫ്സി ജേഴ്സിയുടെ ഇടത് സ്ലീവിന്റെ താഴ് ഭാഗത്ത് സേവ് ബോക്സിന്റെ ലോഗോ ആലേഖനം ചെയ്യും.
‘ഇന്ത്യയില് മാത്രമല്ല, ലോകമെമ്പാടുമുള്ള മലയാളി മനസുകളില് ഒരു വികാരമായി മാറിയ കെബിഎഫ്സിയുടെ അസോസിയേറ്റ് സ്പോണ്സറാവുക എന്നത് ഏറെ അഭിമാനകരമാണ്. ഫുട്ബോള്, സ്പോര്ട്സ്മാന്ഷിപ്പ് എന്നിവയുടെ യഥാര്ത്ഥ മനോഭാവത്തെ അംഗീകരിക്കാനും പിന്തുണ നല്കാനുമാണ് ഈ പങ്കാളിത്തത്തിലൂടെ സേവ് ബോക്സ് ലക്ഷ്യമിടുന്നത്’. സേവ് ബോക്സ് സ്ഥാപകന് സ്വാതിഖ് റഹീം പറഞ്ഞു.
