എല്ലാ വീടുകളിലും ഉണ്ടായിരിക്കുന്ന ഒന്നാണ് ശര്ക്കര. പായസത്തിലും കാപ്പിയിലുമെല്ലാം സാധാരണയായി ശര്ക്കര ചേര്ക്കാറുണ്ട്. കൂടാതെ ശര്ക്കര ചേര്ത്തുള്ള പല വിഭവങ്ങളും മധുര പലഹാരങ്ങളും വീട്ടമ്മമാര് ഉണ്ടാക്കാറുണ്ട്. അതുകൊണ്ടു തന്നെ മിക്ക വീടുകളിലും കുറച്ചു ശര്ക്കര എപ്പോഴും സൂക്ഷിച്ചിരിക്കും. പക്ഷേ കൂടുതല് കാലം ശര്ക്കര വീട്ടില് സൂക്ഷിക്കാന് കഴിയില്ല. പെട്ടെന്നു തന്നെ ഇത് കേടാവുകയും പൂപ്പല് വരികയും ചെയ്യുന്നു. എന്നാല് ശര്ക്കര അധികം കേടുകൂടാതെ വീട്ടില് സൂക്ഷിക്കാനാകും. രണ്ടു രീതികളില് ശര്ക്കര സൂക്ഷിച്ചാല് ഒരു വര്ഷം വരെ ശര്ക്കര കേടാകാതിരിക്കും.
ഇതിനായി ഓരോ ആണി ശര്ക്കരയും എടുത്ത് ടിഷ്യു പേപ്പറില് പൊതിഞ്ഞ് വായു കടക്കാത്ത ഒരു പാത്രത്തില് മൂടി സൂക്ഷിക്കാവുന്നതാണ്. ഇങ്ങനെ സൂക്ഷിച്ചാല് ഒരു കാരണവശാലും ശര്ക്കര കേടാവുകയില്ല. പക്ഷേ പാത്രം എടുക്കുമ്പോള് പാത്രത്തില് വെളളം ഉണ്ടായിരിക്കാന് പാടില്ല. കൂടാതെ ശര്ക്കരയിട്ട കാപ്പി കുടിക്കുന്ന ആളുകളാണ് മിക്കവരും. അതുകൊണ്ടു തന്നെ ശര്ക്കര നന്നായി പൊടിച്ച് വെയിലത്ത് വെച്ച് ഉണക്കിയത് ശേഷം വായു കടക്കാത്ത ഒരു പാത്രത്തില് മൂടി സൂക്ഷിക്കാവുന്നതാണ്. പാത്രത്തില് ഈര്പ്പം ഉണ്ടായിരിക്കാന് പാടില്ല.
ഇതും ഒരു വര്ഷത്തോളം കേടു കൂടാതെ ഇരിക്കുന്നു. ഇനി കടയില് നിന്നും വാങ്ങുന്ന ശര്ക്കര ഈ രണ്ടു രീതിയില് സൂക്ഷിക്കുകയാണെങ്കില് ഒരു വര്ഷക്കാലം കേടു കൂടാതെ വീട്ടില് സൂക്ഷിക്കാന് കഴിയും. നിരവധി ഗുണങ്ങളുളള ഒന്നാണ് ശര്ക്കര. ഫോസ്ഫറസ്, ഇരുമ്പ്, മഗ്നീഷ്യം, പൊട്ടാസ്യം എന്നീ വിറ്റാമിനുകളും മറ്റ് പോഷക ഘടകങ്ങളും ശര്ക്കരയില് ധാരാളം അടങ്ങിയിട്ടുണ്ട്. അതുകൊണ്ട് തന്നെ പഞ്ചസാര ഉപയോഗിക്കുന്നതിന് പകരമായി ശര്ക്കര കൂടുതലായി ഉപയോഗിക്കുന്നു.
