ലണ്ടന്: വമ്പന്മാര്ക്കൊപ്പം ചെറു ടീമുകളുടെ മത്സരവും നേഷന്സ് ലീഗിൽ സമനിലയില് അവസാനിച്ചു. നോര്വേ-ഓസ്ട്രിയ, റൊമേനിയ-നോര്ത്ത് അയര്ലന്റ് എന്നീ ടീമുകളുടെ മത്സരങ്ങളാണ് ഒരോ ഗോളുകള് വീതം നേടി സമനിലയില് പിരിഞ്ഞത്.
ആദ്യ മത്സരത്തില് നോര്വേയും ഓസ്ട്രിയയുമാണ് 1-1ന് സമനിലയില് കളി അവസാനി പ്പിച്ചത്. ഗ്രൂപ്പ് ഇ പോരാട്ടത്തില് ശക്തമായ പ്രതിരോധത്തിലൂന്നിയാണ് ആദ്യപകുതി പൂര്ത്തിയായത്. 61-ാം മിനിറ്റിൽ ഖയാസ് സാഹിദാണ് നോര്വേയ്ക്കായി ഗോള് നേടിയത്. എന്നാല് കളിയുടെ അവസാന നിമിഷത്തില് ആഡ്രിയാന് ഹ്രാമിച്ചാണ് ഓസ്ട്രിയയ്ക്ക് വിജയ സമാനമായ സമനില നല്കിയത്.
ഗ്രൂപ്പ് ഈയിലെ രണ്ടാം മത്സരത്തില് നോര്ത്തേണ് അയര്ലന്റുമായി റൊമേനിയയുടെ മത്സരവും 1-1ന് സമനിലയിലായി. 56-ാം മിനിറ്റില് നോര്ത്തണ് അയര്ലന്റാണ് ആദ്യം ഗോളടിച്ചത്. ലിയാം ബോയ്സേയാണ് അയര്ലന്റിനായി ഗോള് നേടിയത്. എറിക് ബികാല്വിയാണ് 81-ാം മിനിറ്റില് റൊമേനിയയ്ക്കായി ഗോള് നേടിയത്.
