ബാഴ്സലോണ: സ്പാനിഷ് ലീഗില് ഒസാസുനയ്ക്കെതിരെ ബാഴ്സലോണയ്ക്ക് തകര്പ്പന് ജയം. എതിരില്ലാത്ത നാല് ഗോളുകള്ക്കാണ് മെസിയും സംഘവും ജയിച്ചു കയറിയത്. സൂപ്പര് താരങ്ങളെല്ലാം കളം നിറഞ്ഞ മത്സരത്തില് ഫുട്ബോള് ഇതിഹാസം ഡീഗോ മറഡോണയ്ക്ക് മെസി തന്റെ ഗോള് സമര്പ്പിച്ച കാഴ്ചയും ശ്രദ്ധേയമായി.
ആദ്യ പകുതിയില് തന്നെ ബാഴ്സലോണ തങ്ങളുടെ ആധിപത്യം അറിയിച്ചാണ് തുടങ്ങിയത്. 4-3-3 ഫോര്മേഷനിലിറങ്ങിയ ബാഴ്സ ബ്രാത്വെയിറ്റിലൂടെ 29-ാം മിനിട്ടില് തന്നെ ഗോള് വേട്ട തുടങ്ങി. 42-ാം മിനിട്ടില് വിമര്ശകരുടെ വായടപ്പിച്ച് ഗ്രീസ്മാനും 70-ാം മിനിട്ടില് കുട്ടീഞ്ഞോയും ബാഴ്സയുടെ ലീഡ് ഉയര്ത്തി. 73-ാം മിനിട്ടില് മറോണയ്ക്ക് ആദരമര്പ്പിച്ചുകൊണ്ടുള്ള മെസിയുടെ മനോഹര ഗോളെത്തി. ഗോളിന് ശേഷം മറഡോണയുടെ ആഹ്ലാദപ്രകടനം മെസി പുനരാവിഷ്കരിച്ചു. ജഴ്സി ഊരിമാറ്റി ഇരു കൈകളും മുകളിലേയ്ക്ക് ഉയര്ത്തി ചുംബനങ്ങള് വിതറുമ്പോള് മെസി ധരിച്ചിരുന്നത് ന്യൂവെല്സി ഓള്ഡ് ബോയ്സിനു വേണ്ടി മറഡോണ അണിഞ്ഞ 10-ാം നമ്പര് കുപ്പായമായിരുന്നു.
മെസി എന്താണ് മറഡോണയ്ക്കായി കാത്തുവെച്ചിരിക്കുന്നത് എന്നത് സംബന്ധിച്ച് ടീമംഗങ്ങള്ക്ക് ഒരു അറിവും ഉണ്ടായിരുന്നില്ലെന്ന് മത്സര ശേഷം ഗ്രീസ്മാന് പ്രതികരിച്ചു. എല്ലാ തരത്തിലും മഹത്തരമായ നിമിഷമാണ് മെസി സമ്മാനിച്ചതെന്ന് ബാഴ്സ പരിശീലകന് റൊണാള്ഡ് കൂമാന് പറഞ്ഞു. ജയത്തോടെ പോയിന്റ് പട്ടികയില് ബാഴ്സലോണ ഏഴാം സ്ഥാനത്തെത്തി.
