ബർലിൻ: ജർമ്മൻ ലീഗിൽ മുൻനിരക്കാരായ ലെവർകൂസന് തോൽവി. എതിരില്ലാത്ത ഒറ്റ ഗോളിന് യൂണിയൻ ബർലിനാണ് ലീഗിലെ മൂന്നാം സ്ഥാനക്കാരെ തോൽപ്പിച്ചത്. നാലാം സ്ഥാനക്കാരായ യൂണിയൻ ബർലിൻ ശക്തമായ പ്രതിരോധം തീർത്താണ് കളിച്ചത്. കളിയുടെ അവസാന നിമിഷത്തിലാണ് ബർലിൻ ലെവർകൂസനെതിരെ ഗോളടിച്ചത്. 88-ാം മിനിറ്റിൽ സെഡ്രിക് ട്യൂച്ചെർട്ടാണ് ഗോൾ നേടിയത്.
ലീഗിലെ മറ്റ് പോരാട്ടങ്ങളെല്ലാം ഇന്ന് രാത്രി നടക്കും. ആദ്യ മത്സരം വെർഡറും ഓഗസ്ബർഗുമായിട്ടാണ്. രണ്ടാം മത്സരത്തിൽ ഡോട്ട്മുണ്ട് മെയിൻസിനെ നേരിടും. മറ്റ് മത്സരങ്ങളിൽ എഫ്.സി. കോലിൻ ഹെർത്തയേയും വൂൾസ്ബർഗ് ആർ.ബി. ലീപ്സിഗിനേയും ഹോഫെൻ ഹേം അർമിനിയയേയും നേരിടും. അവശേഷിക്കുന്ന മത്സരം സ്റ്റുട്ട്ഗാട്ട് മോൺഷൻ ഗ്ലാഡ്ബാച്ചുമായി ഏറ്റുമുട്ടും. നാളെ ലീഗിലെ ഒന്നാം സ്ഥാനക്കാരായ ബയേൺ എസ്.സി ഫ്രീബർഗിനോടും എൻട്രാഷെറ്റ് ഷാൽക്കയോടും ഏറ്റുമുട്ടും.
