മലയാള സിനിമ ഒരിക്കലും മറക്കാത്ത മുഖമാണ് പ്രേംനസീര്. മലയാള സിനിമയുടെ നിത്യഹരിത നായകന്. ഒരു കാലഘട്ടത്തില് ഈ അതുല്യ പ്രതിഭയോടൊപ്പം ഒരു രംഗം എങ്കിലും അഭിനയിക്കണമെന്ന് ആഗ്രഹിക്കാത്ത നായികമാരുണ്ടോ… അക്കാലത്ത് മലയാളത്തിലെ മുന്നിര നായികമാരുടെ എല്ലാവരുടെയും കൂടെ അഭിനയിച്ച ഒരു നായകനാണ് പ്രേംനസീര്. എന്നാല് അത്തരമൊരു താരത്തിന്റെ കൂടെ അഭിനയിക്കാന് അവസരം കിട്ടിയിട്ടും അത് നിരസിച്ച ഒരു കലോത്സവ താരമുണ്ട്. കോഴിക്കോടിന്റെ മേയറായ ഡോ. ബീനാ ഫിലിപ്പ്. എന്നാല് അന്ന് ആ അവസരം നിരസിച്ചതിലുളള വിഷമമം പങ്കുവയകയാണ് മേയര്.
കഴിഞ്ഞ ദിവസം പ്രേംനസീര് ചരമവാര്ഷിക ദിനത്തോടനുബന്ധിച്ച് കോഴിക്കോട് പ്രേംനസീര് സാംസ്കാരിക സമിതി നടത്തിയ അനുസ്മരണ ചടങ്ങ് ഉദ്ഘാടനം ചെയ്യുന്ന വേളയിലാണ് മേയര് ഈ കാര്യം പങ്കുവെച്ചത്. യൂണിവേഴ്സിറ്റി കലോത്സവ നാടകത്തില് മികച്ച നടിയായി തിരഞ്ഞെടുക്കപ്പെട്ടടുകയും ആ സമയത്ത് നാടകത്തിലെ തന്റെ അഭിനയം കണ്ട യൂസഫലി കേച്ചേരിയാണ് ഇങ്ങിനെ ഒരു കാര്യം തന്റെ വീട്ടുകാരെ വന്നുകണ്ടു പറഞ്ഞത്. യൂസഫലി കേച്ചേരിയുടെ സംവിധാനത്തില് ഒരുങ്ങുന്ന പ്രേംനസീര് നായകനായ വനദേവത എന്ന സിനിമയില് നായികയാവാനായിരുന്നു ക്ഷണിച്ചത്.
എന്നാല് അക്കാലത്ത് സിനിമയില് അഭിനയിക്കാനുള്ള താല്പര്യമോ, അതിനെക്കുറിച്ച് വ്യക്തമായ ധാരണയോ ഒന്നും തന്നെ ഉണ്ടായിരുന്നില്ല. അതെല്ലാം ഒരു മോശം കാര്യമാണെന്ന് എന്ന ചിന്തയായിരുന്നു. എന്നാല് അന്നത് വേണ്ടെന്ന് വെച്ചത് ഇന്ന് വലിയ നഷ്ടമായി തോന്നുന്നു എന്നും അതില് ഖേദിക്കുന്നു എന്നും ഡോ. ബീനാ ഫിലിപ്പ് പറഞ്ഞു. 1976 ല് പുറത്തിറങ്ങിയ സിനിമയായിരുന്നു വനദേവത. വിഖ്യാത ബംഗാളി സംവിധായകന് ഋത്വിക് ഘട്ടകും യൂസഫലി കേച്ചേരിയും ചേര്ന്നാണ് സിനിമയിലെ സംഭാഷണങ്ങള് തയ്യാറാക്കിയിരുന്നത്. മധുബാലയാണ് ചിത്രത്തില് പ്രേംനസീറിന്റെ നായികയായി എത്തിയത്.
Comments