മിലാൻ: കോപ്പാ ഇറ്റാലിയ കപ്പിന്റെ സെമിയുടെ ആദ്യപാദത്തിൽ യുവന്റസിന് ജയം. ഇന്റർ മിലാനെതിരെ റൊണാൾഡോയുടെ തകർപ്പൻ ഫോമിൽ യുവന്റസ് ജയം പിടിച്ചുവാങ്ങി. ഇന്റർമിലാനെ ഒന്നിനെതിരെ രണ്ടു ഗോളുകൾക്കാണ് റൊണാൾഡോയുടെ യുവന്റസ് തോൽപ്പിച്ചത്.
കളിയുടെ 9-ാം മിനിറ്റിൽ തന്നെ ഇന്റർ യുവന്റസിന്റെ വല കുലുക്കി. ക്രിസ്റ്റ്യാനോ റൊണാൾഡോയുടെ മികവിലാണ് യുവന്റസ് കളിയിലേക്ക് തിരികെ എത്തിയത്. 26-ാം മ്ിനിറ്റിൽ ലഭിച്ച പെനാൽറ്റി അതീവ മികവോടെ ഗോൾപോസ്റ്റിന്റെ ഇടതു മൂലയ്ക്ക് കയറ്റി ക്രിസ്റ്റിയാനോ സമനില പിടിച്ചു. 35-ാം മിനിറ്റിൽ വീണ്ടും റൊണാൾഡോയിലൂടെ യുവന്റസ് വിജയഗോളും സ്വന്തമാക്കി.
രണ്ടാം പാദ മത്സരം ഇനി യുവന്റസിന്റെ തട്ടകത്തിൽ പത്താം തീയതി നടക്കും. എവേ മത്സരത്തിൽ ജയം നേടിയതിനാൽ യുവന്റസിന്റെ സാദ്ധ്യത കൂടി. സമനില പിടിച്ചാലും ഫൈനലിലെത്തും. മൂന്ന് ഗോളിന്റെ വ്യത്യാസത്തിൽ ജയിച്ചാൽ മാത്രമേ ഇന്ററിന് പ്രതീക്ഷയുള്ളു.
Comments