ടെസ്റ്റ് ക്രിക്കറ്റിൽ വേഗത്തിൽ 400 വിക്കറ്റ് നേടുന്ന ഇന്ത്യൻ താരം; ചരിത്ര നേട്ടം സ്വന്തമാക്കി രവിചന്ദ്രൻ അശ്വിൻ

അഹമ്മദാബാദ്: ടെസ്റ്റ് ക്രിക്കറ്റിൽ മറ്റൊരു നാഴികക്കല്ല് കൂടി പിന്നിട്ട് രവിചന്ദ്രൻ അശ്വിൻ. വേഗത്തിൽ 400 വിക്കറ്റ് സ്വന്തമാക്കുന്ന ഇന്ത്യൻ താരമായി അശ്വിൻ മാറി. ടെസ്റ്റ് ക്രിക്കറ്റ് ചരിത്രത്തിൽ ഈ നേട്ടം സ്വന്തമാക്കുന്ന രണ്ടാമത്തെ താരമാണ് അശ്വിൻ.

ജോഫ്ര ആർച്ചറിനെ വിക്കറ്റ് മുന്നിൽ കുരുക്കിയാണ് അശ്വിൻ ചരിത്ര നേട്ടം സ്വന്തമാക്കിയത്. തന്റെ 77-ാം ടെസ്റ്റ് മത്സരത്തിലാണ് അശ്വിൻ റെക്കോഡിട്ടത്. 73 മത്സരങ്ങളിൽ നിന്നും 400 വിക്കറ്റ് നേട്ടം സ്വന്തമാക്കിയ ശ്രീലങ്കൻ ഇതിഹാസം മുത്തയ്യ മുരളീധരനാണ് അശ്വിന് മുന്നിലുള്ളത്. മുൻ ന്യൂസിലൻഡ് താരം റിച്ചാർഡ് ഹാഡ്‌ലിയും ഡെയ്ൽ സ്‌റ്റെയ്‌നുമാണ് പട്ടികയിൽ മൂന്നാമത്. ഇരുവരും 80 മത്സരങ്ങളിൽ നിന്നാണ് ഈ നേട്ടം സ്വന്തമാക്കിയത്.

Special bowler
Special milestone
Special emotions

Take a bow, @ashwinravi99! 👏👏@Paytm #INDvENG #TeamIndia #PinkBallTest

Follow the match 👉 https://t.co/9HjQB6TZyX pic.twitter.com/HkxrEiTFpo

— BCCI (@BCCI) February 25, 2021

നരേന്ദ്ര മോദി സ്‌റ്റേഡിയത്തിൽ നടക്കുന്ന മൂന്നാം ടെസ്റ്റിൽ സ്പിന്നർമാരുടെ സമ്പൂർണ ആധിപത്യമാണ് കാണാനായത്. ഒന്നാം ഇന്നിംഗ്‌സിൽ 6 വിക്കറ്റ് വീഴ്‌ത്തിയ അക്ഷർ പട്ടേൽ രണ്ടാം ഇന്നിംഗ്‌സിൽ 10 വിക്കറ്റ് നേട്ടം സ്വന്തമാക്കി കഴിഞ്ഞു. ഇന്ത്യയുടെ ഒന്നാം ഇന്നിംഗ്‌സിൽ ഇംഗ്ലണ്ട് നായകൻ ജോ റൂട്ട് വെറും 8 റൺസ് വഴങ്ങി 5 വിക്കറ്റും സ്വന്തമാക്കിയിരുന്നു.