പാരീസ്: ഒർലിയാൻസ് മാസ്റ്റേഴ്‌സ് ബാഡ്മിന്റണിൽ ഇന്ത്യൻ താരങ്ങൾ ക്വാർട്ടറിൽ. വനിതകളിൽ സൈന നെഹ്വാളും ഇരാ ശർമ്മയും പുരുഷവിഭാഗത്തിൽ കിഡംബി ശ്രീകാന്തും ക്വാർട്ടറിലെത്തി. മിക്‌സഡ് ഡബിൾസിൽ അശ്വിനി പൊന്നപ്പ-ധ്രുവ് സഖ്യവും ക്വാർട്ടറിൽ കടന്നു.
ടോപ് സീഡായ സൈന ഫ്രാൻസിന്റെ മേരീ ബാറ്റോമെനയെയാ് തോൽപ്പിച്ചത്. ആദ്യെ സെറ്റ് 18-21ന് കൈവിട്ടെങ്കിലും 21-15, 21-10 എന്ന നിലയിൽ അതിശക്തമായ തിരിച്ചുവരവാണ് സൈന നടത്തിയത്.
വനിതകളിൽ മറ്റൊരു താരമായ ഇരാ 162-ാം സീഡഡ് താരമാണ്. തന്നേക്കാൾ ഏറെ മുന്നിലുള്ള ബൾഗേറിയയുടെ മരിയാ മിറ്റ്‌സോവയെ 21-18,21-13ന് അട്ടിമറിച്ചാണ് ക്വാർട്ടറിലെത്തിയത്. ഇതിനിടെ മിക്‌സഡ് ഡബിൾസിൽ അശ്വിനി പൊന്നപ്പ-ധ്രുവ് സഖ്യവും ക്വാർട്ടറിലെത്തി.
പുരുഷതാരങ്ങളിൽ കിഡംബി ശ്രീകാന്ത് മലേഷ്യയുടെ ചിയാം ജുൻ വീയെ 21-17, 22-20 എന്ന സ്‌കോറിലനാണ് തോല്ഡപ്പിച്ചത്. പുരുഷ ഡബിൾസിൽ അർജ്ജുൻ-ധ്രുവ് സഖ്യവും ഇംഗ്ലീഷ് സഖ്യത്തെ തകർത്തപ്പോൾ കൃഷ്്ണപ്രസാദ്-വിഷ്ണു വർദ്ധൻ സഖ്യം ഡാനിഷ് താരങ്ങളെ പരാജയപ്പെടുത്തി.
