ദുബായ്: അന്താരാഷ്ട്ര സൗഹൃദ മത്സരങ്ങളുുടെ ഭാഗമായി ഇന്ത്യ ഇന്ന് യു.എ.ഇയ്ക്കെതിരെ കളിക്കാനിറങ്ങും. ഒമാനെതിരെ ജയത്തിന് സമാനമായ 1-1ന്റെ സമനില പിടിച്ച ആത്മവിശ്വാസത്തിലാണ് ഇന്ത്യ ഇറങ്ങുന്നത്. എന്തു പരീക്ഷണത്തിനും തയ്യാറായ കോച്ച് ഇഗർ സ്റ്റീമാച്ച് പത്തു പുതിയ താരങ്ങളെ ഇറക്കിയാണ് അന്താരാഷ്ട്ര ടീമുകൾക്കെതിരെ ധീരമായ പരീക്ഷണം നടത്തുന്നത്. ഗുർപ്രീത് സന്ധു ഇന്നത്തെ മത്സരത്തിൽ ടീമിനെ നയിക്കും.
ലോകഫുട്ബോൾ റാങ്കിംഗിൽ 74-ാം സ്ഥാനത്തുള്ള യു.എ.ഇ കരുത്തന്മാരാണ്. മുപ്പത്ത് റാങ്ക് താഴെ 104 ആണ് ഇന്ത്യയുടെ സ്ഥാനം. ഒമാനെതിരെ വീറുറ്റ പ്രകടനമാണ് ഇന്ത്യ നടത്തിയത്. ഒമാനെതിരായ മത്സരത്തിൽ 43-ാം മിനിറ്റിൽ ചിംഗ്ലെസെന സിംഗിന്റെ സെൽഫ് ഗോളിൽ പിന്നിലായിപ്പോയിട്ടും ഇന്ത്യ സമനില പിടിച്ചു. 55-ാം മിനിറ്റിൽ മൻവീർ സിംഗാണ് ഗോൾ നേടിയത്.
