ലണ്ടൻ: ചാമ്പ്യൻസ് ലീഗ് സെമിയിലേക്ക് വമ്പന്മാർ. ഒപ്പം കാലിടറി പ്രമുഖരും. ഇംഗ്ലീഷ് ലീഗിലെ കരുത്തരായ ലിവർപൂൾ സെമി ഫൈനൽ കാണാതെ പുറത്തായപ്പോൾ മാഞ്ചസ്റ്റർ സിറ്റി സെമിയിലേക്ക് കുതിച്ചു. ലിവർപൂളിനെ റയൽ മാഡ്രിഡ് തോൽപ്പിച്ചപ്പോൾ സിറ്റി മറികടന്നത് ബൊറോസിയ ഡോട്ട്മുണ്ടിനെയാണ്.
രണ്ടു പാദങ്ങളിലായി നടന്ന ക്വാർട്ടറിൽ സ്വന്തം തട്ടകത്തിൽ ആദ്യപാദത്തിൽ 3-1ന് നേടിയ ജയമാണ് റയലിന് ലിവർപൂളിനെതിരെ മുൻതൂക്കം നൽകിയത്. രണ്ടാം പാദം ഗോൾരഹിത സമനിലയായതോടെ റയലിന് സെമിയിലേക്കുള്ള വാതിലും തുറന്നു.
സിറ്റിക്ക് നേട്ടമായത് രണ്ടാം പാദത്തിൽ 2-1ന് നേടിയ ജയമാണ്. ആകെ ഗോൾ നേട്ടം 4-2 ആക്കിയാണ് സിറ്റി സെമിയിലെത്തിയത്. ഇന്നലെ നടന്ന രണ്ടാം പാദ മത്സരത്തിൽ 15-ാം മിനിറ്റിൽ ഡോട്ട്മുണ്ടിനായി ജൂഡാണ് സിറ്റിയുടെ വല കുലുക്കിയത്. എന്നാൽ രണ്ടാം പകുതിയിൽ റിയാദ് മഹരേസ് 55-ാം മിനിറ്റിലെ പെനാൽറ്റി മുതലാക്കി സമനില പിടിച്ചു. 75-ാം മിനിറ്റിൽ ഫിൽ ഫോഡൻ വിജയ ഗോളും നേടി.
Comments