മാഡ്രിഡ്: സ്പാനിഷ് കിംഗ്സ് കപ്പ് എന്ന കോപ്പാ ഡെൽ റേയുടെ കലാശപോരാട്ടം ഇന്ന് നടക്കും. ഇന്ത്യൻ സമയം പുലർച്ചെ ഒരു മണിക്ക് നടക്കുന്ന മത്സരത്തിൽ ബാഴ്സലോണ അത്ലറ്റിക് ക്ലബ്ബിനെ നേരിടും.
സെമിഫൈനലിൽ രണ്ടു പാദങ്ങളിലുമായി 3-2ന് സെവിയയെ തോൽപ്പിച്ചാണ് മെസിയും കൂട്ടരും ഫൈനലിൽ കയറിയത്. രണ്ടാം പാദത്തിൽ എതിരില്ലാത്ത മൂന്ന് ഗോളുകൾക്കാണ് ബാഴ്സ ജയിച്ചത്. 12-ാം മിനിറ്റിൽ ഔസാമ ഡെബാലേ ആദ്യ ഗോൾ നേടി. കളിയുടെ അവസാന നിമിഷത്തിലെ അധിക സമയത്ത് ജെറാഡ് പീക്വേ, മാർട്ടിൻ ബ്രെയ്ത്വെയിറ്റ് എന്നിവരും ബാഴ്സയ്ക്കായി ഗോൾ നേടി.
ലെവന്റയെ സെമിയിൽ കീഴടക്കിയാണ് അത്ലറ്റിക് ക്ലബ്ബ് ഫൈനലിലെത്തിയത്. രണ്ടു പാദങ്ങളിലുമായി 3-2നാണ് മുന്നേറിയത്. സെമി രണ്ടാം പാദത്തിൽ 2-1നാണ് അത്ലറ്റിക് ക്ലബ്ബിന്റെ ജയം. 17-ാം മിനിറ്റിൽ റോജർ മാർട്ടി ലെവാന്റയെ മുന്നിലെത്തിച്ചെങ്കിലും 30-ാം മിനിറ്റിലെ പെനാൽറ്റി മുതലാക്കി റൗൾ ഗ്രാഷ്യ സമനില പിടിച്ചു. അധിക സമയത്ത് അലക്സാണ്ട്രോ റെമീറോ വിജയ ഗോൾ നേടി.
Comments