മാഡ്രിഡ്: ചാമ്പ്യൻസ് ലീഗ് സെമിഫൈനലിലെ ആദ്യപാദ മത്സരത്തിൽ റയൽ മാഡ്രിഡ്-ചെൽസി മത്സരം സമനിലയിൽ പിരിഞ്ഞു. റയലിന്റെ തട്ടകത്തിൽ നടന്ന മത്സരമാണ് ഓരോ ഗോൾ വീതം അടിച്ച് സമനിലയിൽ പിരിഞ്ഞത്.
കളിയുടെ തുടക്കത്തിൽ തന്നെ ചെൽസി മുന്നിലെത്തി. 14-ാം മിനിറ്റിൽ ക്രിസ്റ്റ്യൻ പുലിസിച്ചാണ് ഗോളടിച്ചത്. എന്നാൽ ആദ്യ പകുതിയിൽ തന്നെ റയൽ മറുപടി നൽകി. കരീം ബെൻസേമയുടെ മികച്ച ഒരു സിസർകട്ടാണ് ചെൽസിയുടെ വല കുലുക്കിയത്. 29-ാം മിനിറ്റിലാണ് സമനില ഗോൾ പിറന്നത്. രണ്ടാം പാദ മത്സരം ചെൽസിയുടെ തട്ടകമായ സ്റ്റാംഫോർഡ് ബ്രിഡ്ജിൽ മെയ് മാസം 6-ാം തിയതി നടക്കും.
