മാഡ്രിഡ്: ചാമ്പ്യൻസ് ലീഗിലെ രണ്ടാം സെമി പോരാട്ടം ഇന്ന് നടക്കും. ഫ്രഞ്ച് ലീഗിലെ കരുത്തന്മാരായ പി.എസ്.ജിയും ഇംഗ്ലീഷ് ക്ലബ്ബുകളിലെ വമ്പന്മാരായ മാഞ്ചസ്റ്റർ സിറ്റിയുമാണ് ഏറ്റുമുട്ടുന്നത്. രണ്ടു പാദങ്ങളിലായി നടക്കുന്ന മത്സരത്തിലെ ആദ്യത്തേത് പി.എസ്.ജിയുടെ തട്ടകമായ ലേ പാർക് ഡീ പ്രിൻസസ് സ്റ്റേഡിയത്തിലാണ് നടക്കുന്നത്.
ലീഗുകളുടെ മുൻ നിരയിലാണ് രണ്ട് ടീമുകളും പി.എസ്.ജിയുടെ കരുത്ത് ബ്രസീലിയൻ താരം നെയ്മറാണ്. ഒപ്പം ഫ്രാൻസിന്റെ എക്കാലത്തേയും യുവപ്രതിഭയായ കിലിയൻ എംബാപ്പേയും കളം നിറയും. ഇവർക്കെതിരെ ഫിൽ ഫോഡനും, റഹീം സ്റ്റെർലിംഗും, ഗുണ്ഡോഗനും, ഡിബ്രൂയിനും സിറ്റിക്കായി പോരാട്ടത്തിനിറങ്ങുകയാണ്. ഇതിന് മുമ്പ് മൂന്ന് തവണ ഇരു ടീമുകളും ഏറ്റുമുട്ടിയതിൽ ജയം സിറ്റിക്കൊപ്പമായിരുന്നു. രണ്ടു മത്സരങ്ങൾ സമനിലയിലും കലാശിച്ചു. മെയ് നാലിനാണ് രണ്ടാം പാദ മത്സരം.
Comments