മിലാൻ: യൂറോകപ്പിൽ ഇറ്റാലിയൻ ടീമിന് ഇന്ന് രണ്ടാം മത്സരം. സ്വിറ്റ്സർലന്റിനെയാണ് അസൂറികൾ നേരിടുക.ഗ്രൂപ്പിൽ എയിലെ ആദ്യമത്സരത്തിൽ തുർക്കിയെ എതിരില്ലാത്ത മൂന്ന് ഗോളുകൾക്ക് തകർത്തതിന്റെ ആത്മവിശ്വാസത്തിലാണ് ഇറ്റലി നാളെ പുലർച്ചെ ഇറങ്ങുന്നത്. വെയിൽസിനോട് സമനില വഴങ്ങിയാണ് സ്വിസ് നിര ഇന്നിറങ്ങുന്നത്. ആദ്യ മത്സരത്തിൽ സിർകോ ഇമ്മോബിലേയും ലോറൻസോ ഇൻസെയിനുമാണ് ഇറ്റലിക്കായി ഗോളുകൾ നേടിയത്.
ഗ്രൂപ്പ് ബിയിൽ റഷ്യയുടെ ഇന്നത്തെ പോരാട്ടം ഫിൻലാൻഡിനെതിരെയാണ്. ആദ്യ പോരാട്ട ത്തിൽ കരുത്തരായ ബെൽജിയത്തിനോട് എതിരില്ലാത്ത മൂന്ന് ഗോളുകൾക്ക് തോറ്റ ക്ഷീണം മാറാൻ ഇന്ന് റഷ്യൻ നിരയ്ക്ക് ജയിക്കണം. ഫിൻലാൻഡ് ഡെൻമാർക്കിനോട് ആദ്യ പോരാട്ടത്തിൽ എതിരില്ലാത്ത ഒരു ഗോളിനാണ് തോറ്റത്.
ബെൽജിയത്തിന്റെ രണ്ടാം മത്സരം ഇന്ന് ഡെൻമാർക്കിനോടാണ്. റഷ്യയെ തകർത്ത വീര്യത്തോടെയാണ് ബെൽജിയം നിര ഇറങ്ങുന്നത്. ഇന്റർമിലാൻ താരം റൊമേലു ലൂകാക്കുവാണ് ആദ്യമത്സരത്തിൽ ഇരട്ട ഗോളുകളോടെ തിളങ്ങിയത്.
