സ്‌നേഹം നിറഞ്ഞ ദാദ; ആശംസകൾ; ഗാംഗുലിയ്‌ക്ക് ബംഗാളി ഭാഷയിൽ ജന്മദിനം ആശംസിച്ച് സച്ചിൻ ടെണ്ടുൽക്കർ

ന്യൂഡൽഹി : 49 ാം ജന്മദിനം ആഘോഷിക്കുന്ന ബിസിസിഐ അദ്ധ്യക്ഷൻ സൗരവ് ഗാംഗുലിയ്‌ക്ക് ട്വിറ്ററിൽ ആശംസകളുടെ പ്രവാഹമാണ് . നാനാഭാഗത്തു നിന്നും നിരവധി ആരാധകരാണ് സൗരവ് ഗാംഗുലിയ്‌ക്ക് ട്വിറ്ററിൽ ജന്മദിനം ആശംസിച്ചിരിക്കുന്നത്. എന്നാൽ ഇതിൽ ഒരാളുടെ ആശംസയാണ് ഇപ്പോൾ ട്വിറ്ററിൽ ശ്രദ്ധേയമായിരിക്കുന്നത്.

ക്രിക്കറ്റ് ഇതിഹാസം സച്ചിൻ ടെണ്ടുൽക്കറുടെ ആശംസയാണ് ഇരുവരുടെയും ആരാധകരെ അതിശയിപ്പിച്ചിരിക്കുന്നത്. പശ്ചിമ ബംഗാൾ സ്വദേശിയായ സൗരവ് ഗാംഗുലിയ്‌ക്ക് അദ്ദേഹത്തിന്റെ മാതൃഭാഷയായ ബംഗാളിയിലാണ് സച്ചിൻ ആശംസ അറിയിച്ചത്. നിമിഷ നേരങ്ങൾക്കൊണ്ട് തന്നെ സച്ചിന്റെ ട്വീറ്റ് ആരാധകർ ഏറ്റെടുത്തു.

സ്‌നേഹം നിറഞ്ഞ ദാദയ്‌ക്ക് പിറന്നാൾ ആശംസകൾ. ആരോഗ്യത്തിന്റെയും സന്തോഷത്തിന്റെയും ഒരു വർഷം ആശംസിക്കുന്നു- സച്ചിൻ ട്വിറ്ററിൽ കുറിച്ചു. ഗാംഗുലിയ്‌ക്കൊപ്പമുള്ള ചിത്രവും സച്ചിൻ ഫേസ്ബുക്കിൽ പങ്കുവെച്ചിട്ടുണ്ട്.

ഇന്ത്യയ്‌ക്കായി ഇരുവരും നീണ്ട 12 വർഷക്കാലമാണ് ഒന്നിച്ച് കളിച്ചത്. ജൂനിയർ ക്രിക്കറ്റ് ക്യാമ്പുകളിൽ ഒന്നിച്ചുണ്ടായിരുന്ന ഇരുവരും ചേർന്ന് ഇന്ത്യൻ ക്രിക്കറ്റിൽ വേറിട്ട ചരിത്രമായിരുന്നു കുറിച്ചത്.

আমার প্রিয় দাদি। শুভ জন্মদিন। আপনার সামনে একটি স্বাস্থ্যকর এবং সুখী বছর কামনা করি|

My beloved Dadi. Happy birthday. Wishing you a healthy and happy year ahead. pic.twitter.com/wX9WlPZpPU

— Sachin Tendulkar (@sachin_rt) July 8, 2021