കണ്ണൂർ : നഗരത്തിൽ വൻ കഞ്ചാവ് വേട്ട. രഹസ്യമായി സൂക്ഷിച്ച കഞ്ചാവ് പിടികൂടി. സംഭവത്തിൽ ഒഡീഷ സ്വദേശികൾ ഉൾപ്പെടെ മൂന്ന് പേരെ എക്‌സൈസ് അറസ്റ്റ് ചെയ്തു.
കോഴിക്കോട് സ്വദേശി എ. അനൂപ്, ഒഡീഷ സ്വദേശികളായ നാരായണ ആചാരി, മുന്ന ആചാരി എന്നിവരെയാണ് അറസ്റ്റ് ചെയ്തത്. വിൽപ്പനയ്‌ക്കായി ഇവർ സൂക്ഷിച്ച ആറ് കിലോ കഞ്ചാവും പിടിച്ചെടുത്തു. ഒഡീഷയിൽ നിന്നും കഞ്ചാവ് എത്തിച്ച് നഗരത്തിന്റെ പരിസരത്ത് വിൽപ്പന നടത്തുന്നവരാണ് ഇവരെന്നാണ് നിഗമനം.
കണ്ണൂർ റേഞ്ച് എക്‌സൈസ് ഇൻസ്‌പെക്ടർ സി ആനന്ദകുമാറിന്റെ നേതൃത്വത്തിലായിരുന്നു പരിശോധന. എക്‌സൈസ് കമ്മീഷണറുടെ സ്‌ക്വാഡിനാണ് രഹസ്യവിവരം ലഭിച്ചത്.
