സെന്റ് ലൂസിയ : യൂണിവേഴ്സൽ ബോസ്സ് 14000 റൺസ് തികച്ച മത്സരത്തിൽ ഓസീസിനെ തകർത്ത് വിൻസീസിന് പരമ്പര. മൂന്നാം ടി20യിലാണ് വിൻഡീസ് ഓസ്ട്രേലിയയെ 6 വിക്കറ്റിന് തോൽപ്പിച്ചത്. ഓസ്ട്രേലിയയ്ക്കെതിരെ 42 കാരനായ ക്രിസ് ഗെയിൽ നേടിയ 38 പന്തിലെ 67 റൺസാണ് വിൻഡീസിന് 3-0ന്റെ പരമ്പര നേട്ടം നൽകിയത്. ആദ്യം ബാറ്റ് ചെയ്ത ഓസീസ് 6 വിക്കറ്റ് നഷ്ടത്തിൽ 141ൽ ഒതുങ്ങിയപ്പോൾ 31 പന്തുകൾ അവശേഷിക്കേ വിൻഡീസ് നാലു വിക്കറ്റുകൾ മാത്രം നഷ്ടപ്പെടുത്തി 142 റൺസ് നേടി. ലോകകപ്പ് ടി20 ദുബായിൽ നടക്കാനിരിക്കേ വിൻഡീസിനോട് തോറ്റത് കങ്കാരുക്കൾക്ക് കനത്ത ആഘാതമായി.
ഏഴു സിക്സറുകളുടെ അകമ്പടിയോടെയാണ് ഗെയിൽ ടീമിനെ വിജയിപ്പിച്ചത്. ജയത്തോടൊപ്പം ഫസ്റ്റ്ക്ലാസ്സ് ക്രിക്കറ്റിലടക്കം ടി20യിൽ 14000 റൺസ് തികയ്ക്കുന്ന ലോകത്തിലെ ആദ്യ ബാറ്റ്സ്മാൻ എന്ന നേട്ടമാണ് ഗെയിൽ സ്വന്തമാക്കിയത്.
14038 റൺസാണ് ഇപ്പോൾ ഗെയിൽ നേടിയത്. സ്വന്തം ടീമംഗമായ കീറൻ പൊള്ളാർഡാണ് 10,386 റൺസുമായി ഗെയിലിന് പിന്നിലുള്ളത്. പാകിസ്താന്റെ മുൻ നായകനായ ഷൊഐബ് മാലികാണ് 10,774 റൺസ് നേടി മൂന്നാം സ്ഥാനത്തുള്ളത്
Comments