ടോക്കിയോ: ഒളിംപിക്സ് ഹോക്കിയിൽ ക്വാർട്ടർ പ്രതീക്ഷ ശക്തമാക്കി ഇന്ത്യൻ വനിതകൾ. ദക്ഷിണാഫ്രിക്കയ്ക്കെതിരെ മൂന്നിനെതിരെ നാലു ഗോളുകൾക്കാണ് ഇന്ത്യയുടെ ജയം.വന്ദന തകാരിയയുടെ ഹാട്രിക് പ്രകടനമാണ് ഇന്ത്യക്ക് തകർപ്പൻ ജയം സമ്മാനിച്ചത്.
കളിയുടെ നാലാം മിനിറ്റിൽ തന്നെ വന്ദന ഇന്ത്യയെ മുന്നിലെത്തിച്ചു. എന്നാൽ 25 മിനിറ്റികം ദക്ഷിണാഫ്രിക്ക മുന്നിലെത്തി. 17, 49 മിനിറ്റുകളിൽ വന്ദന ഗോളുകൾ നേടിയപ്പോൾ 32-ാം മിനിറ്റിൽ നേഹയാണ് ഇന്ത്യക്കായി ഗോൾ നേടിയ മറ്റൊരു താരം. 25, 37,39 മിനിറ്റുകളിലാണ് ദക്ഷിണാഫ്രിക്ക ഇന്ത്യക്കെതിരെ ഗോളുകളടിച്ച് സമനില പിടിച്ചത്. 49-ാം മിനിറ്റിലെ വന്ദനയുടെ ഗോളാണ് ഇന്ത്യക്ക് നിർണ്ണായക വിജയം സമ്മാനിച്ചത്.
ബ്രിട്ടനും അയർലന്റും തമ്മിലുള്ള മത്സരത്തിലെ ഫലത്തെ ആശ്രയിച്ചാണ് ഇന്ത്യയുടെ ക്വാർട്ടർ പ്രവേശനം. ബ്രിട്ടൻ അയർലന്റിനെ തോൽപ്പിച്ചാൽ ഇന്ത്യ ക്വാർട്ടറിൽ കടക്കും.
