ന്യൂഡൽഹി: ബ്രിട്ടീഷ് അധിനിവേശത്തിനെതിരെ രണ്ട് ശതാബ്ദത്തോളം ഇന്ത്യ നടത്തിയ പോരാട്ടത്തെ ഗൂഗിൽ ഡൂഡിൽ ആദരിച്ചു. കൊൽക്കത്തയിലെ ചിത്രകാരനായ സയൻ മുഖർജിയാണ് ഇന്ത്യയുടെ സാംസ്‌കാരിക പാരമ്പര്യം എടുത്തുകാട്ടുന്ന ഡൂഡിലിന് രൂപകൽപ്പന നൽകിയത്.
ഭരതനാട്യവും ഇന്ത്യയുടെ ഇതിഹാസങ്ങളിൽ രേഖപ്പെടുത്തിയിട്ടുള്ള ഛൗ നൃത്തവും ഉൾപ്പെടുന്നതാണ് ഡൂഡിൽ.
നൂറുകോടിയിലധികം ജനങ്ങളുള്ള രാജ്യത്ത് വിവിധ തരം പാരമ്പര്യങ്ങളും ആയിരത്തോളം ഭാഷകളുമാണുള്ളത്. വിഭിന്നമായ സംസ്‌കാരങ്ങൾക്കിടയിലും രാജ്യം ഒത്തൊരുമ കാത്തുസൂക്ഷിക്കുന്നു. 29 സംസ്ഥാനങ്ങളിലും വളരെ വിപുലമായ രീതിയിലാണ് സ്വാതന്ത്ര്യ ദിനമാഘോഷിക്കുന്നത്.
