ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 36,401 കൊറോണ കേസുകൾ റിപ്പാർട്ട് ചെയ്തു. 39,157 പേർ രോഗമുക്തരായി. ഇതോടെ രാജ്യത്തെ രോഗമുക്ത നിരക്ക് 97.53 ആയി ഉയർന്നു. കഴിഞ്ഞ മാർച്ചിനുശേഷം രാജ്യത്ത് രേഖപ്പെടുത്തുന്ന ഉയർന്ന രോഗമുക്ത നിരക്കാണിത്. സജീവ കേസുകൾ 3,64,129 ആണ്. 149 ദിവസത്തിന് ശേഷം സജീവ കേസുകളുടെ എണ്ണത്തിൽ ഏറ്റവും കുറഞ്ഞ നിരക്കാണിത്.
ആകെ രോഗബാധിതരിൽ 1.13 ശതമാനമാണ് ഇപ്പാൾ ചികിത്സയിലുളളത്. ഇതുവരെ 3,15,25,080 പേർ രോഗമുക്തി നേടി. കഴിഞ്ഞ ദിവസത്തെ പോസിറ്റിവിറ്റി നിരക്ക് 1.94 ആണ്. തുടർച്ചയായി 24ാം ദിവസമാണ് പോസിറ്റിവിറ്റി നിരക്ക് മൂന്നിൽ താഴെ നിൽക്കുന്നത്. ഇന്നലെ 530 പേർ മരിച്ചു.
അതിനിടെ രാജ്യത്ത് കൊറോണ ടെസ്റ്റുകൾ 50 കോടി പിന്നിട്ടതായി ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) അറിയിച്ചു. അവസാന 10 കോടി ടെസ്റ്റുകൾ 55 ദിവസം കൊണ്ടാണ് പൂർത്തിയാക്കിയത്. ഓഗസ്റ്റ് മാസത്തിൽ ദിവസേന ശരാശരി 17 ലക്ഷം ടെസ്റ്റുകളാണ് നത്തുന്നത്. ടെസ്റ്റിങ്ങിനുളള അടിസ്ഥാന സൗകര്യങ്ങൾ വർധിപ്പിച്ചതു കൊണ്ടാണ് 50 കോടി ടെസ്റ്റുകൾ എന്ന നാഴികക്കല്ല് പിന്നിടാൻ രാജ്യത്തിന് സാധിച്ചതെന്ന് ഐസിഎംആർ വ്യക്തമാക്കി. ഇതിനുപുറമെ കൊറോണ പ്രതിരോധ വാക്സിൻ കുത്തിവയ്പ്പ് 56,64,88,433 ആയി. കഴിഞ്ഞ ദിവസം 56,36,336 ഡോസുകൾ കുത്തിവയ്ച്ചു.
Comments