ന്യൂഡൽഹി: ഇന്ത്യൻ നിരത്തുകൾ കീഴടക്കാൻ അമേരിക്കൻ വൈദ്യുത കാർ നിർമ്മാതാക്കളായ ടെസ്ല. കേന്ദ്ര ഗതാഗത മന്ത്രാലയമാണ് ടെസ്ലയുടെ ഇന്ത്യൻ പ്രവേശനത്തിന് അനുമതി നൽകിയത്. ഏതൊക്കേ വാഹനങ്ങൾക്കാണ് അനുമതി നൽകിയിരിക്കുന്നതെന്ന് മന്ത്രാലയത്തിന്റെ വാഹൻ പോർട്ടലിൽ വ്യക്തമാക്കിയിട്ടില്ല. നാല് മോഡലുകൾ നിർമ്മിക്കുകയോ ഇറക്കുമതി ചെയ്യുകയോ ചെയ്യാമെന്നാണ് അറിയിച്ചിരിക്കുന്നത്.
2021ഓടെ ടെസ്ല ഇന്ത്യൻ നിരത്തുകളിൽ എത്തുമെന്ന് ടെസ്ല സഹസ്ഥാപകനും ചീഫ് എക്സിക്യൂട്ടീവുമായ എലോൺ മസ്ക് പറഞ്ഞിരുന്നു. ലിമിറ്റഡ്, ഇലക്ട്രിക് കാറുകളുടെ വളർച്ചാ സാധ്യത മുന്നിൽ കണ്ട് കഴിഞ്ഞ വർഷം തന്നെ ടെസ്ല ഇന്ത്യ മോട്ടോഴ്സ് ആൻഡ് എനർജി പ്രൈവറ്റ് എന്ന കമ്പനി സ്ഥാപിച്ചിരുന്നു. ഔദ്യോഗിക പ്രവേശനത്തിനു മുമ്പ് കമ്പനിയ്ക്കായി മുതിർന്ന എക്സിക്യൂട്ടീവുകളെയും നിയമിച്ചു തുടങ്ങി.
എന്നാൽ, മെഴ്സിഡസ് ബെൻസ്, ഓഡി തുടങ്ങിയ ആഡംബര വാഹന നിർമ്മാതാക്കൾ ഇതിനകം തന്നെ തങ്ങളുടെ ഇലക്ട്രിക് വാഹനങ്ങൾ ഇന്ത്യൻ വിപണിയിൽ എത്തിച്ചിരുന്നു.
Comments