ന്യൂഡൽഹി: ജവഹർലാൽ നെഹറു യൂണിവേഴ്സിറ്റിയിൽ തീവ്രവാദത്തിനെതിരായ കോഴ്സ് പഠിപ്പിക്കുന്നതിന് അഗീകാരം ലഭിച്ചു.എൻജിനീയറിങ്ങ് വിദ്യാർത്ഥികൾക്കായിട്ടാണ് ആദ്യഘട്ടത്തിൽ കോഴ്സ് നടത്തുന്നത്.ജെഎൻയു എക്സിക്യൂട്ടീവ് കൗൺസിൽ ആണ് കോഴ്സിന് അഗീകാരം നൽകിയത്.
തീവ്രവാദത്തിനെതിരായ പോരാട്ടം,മറക്കാനാവാത്ത സംഘട്ടനങ്ങൾ, പ്രധാനശക്തികൾക്കിടയിലെ സഹകരണത്തിനുള്ള തന്ത്രങ്ങൾ തുടങ്ങിയ വിഷയങ്ങളാണ് കോഴ്സിൽ ചർച്ച ചെയ്യുന്നത്. ബിടെകിന് ശേഷം ഇന്റർനാഷ്ണൽ റിലേഷനിൽ എംഎസിന് പഠിക്കുന്ന വിദ്യാർത്ഥികൾക്കാണ് കോഴ്സ്.ഈ മാസം 20 ന് ക്ലാസ് ആരംഭിക്കും.
കോഴ്സിനെ കുറിച്ചുള്ള അനാവശ്യ വിവാദങ്ങൾ ഒഴിവാക്കണമെന്ന് ജെഎൻയു വൈസ് ചാൻസിലർ ജഗദീഷ് കുമാർ പറഞ്ഞു. കോഴ്സിന്റെ ആവശ്യകതയെക്കുറിച്ച് ചർച്ച ചെയ്യാനുള്ള നേരമാണിതെന്നും അദ്ദേഹം കൂട്ടിച്ചേർത്തു.
Comments