ന്യൂഡൽഹി: കോഡിംഗ് പഠനം കൂടുതൽ എളുപ്പമാക്കാൻ പുതിയ പുസ്തകം പുറത്തിറക്കി പതിനേഴുകാരൻ. ഡൽഹി സ്വദേശിയായ പ്രാർത്ഥ് ആര്യ എന്ന വിദ്യാർത്ഥിയാണ് പുസ്തകത്തിന്റെ രചയിതാവ്. ദി പൈത്തൺ ചാമ്പ്യൻസ് ഓഫ് കോഡിംഗ് എന്നാണ് പുസ്തകത്തിന് നൽകിയിരിക്കുന്ന പേര്. കോഡിംഗിനോട് താൽപര്യമുള്ള അനേകം പേർക്ക് ഈ ബുക്ക് പ്രയോജനപ്പെടുമെന്നാണ് ആര്യ പ്രതീക്ഷിക്കുന്നത്.
കൊറോണ മഹാമാരി കാരണം രാജ്യമെമ്പാടുമുള്ള സ്കൂളുകൾ അടച്ചിരുന്നു. ഓൺലൈൻ ക്ലാസുകളിലൂടെയായിരുന്നു പഠനം. എന്നാൽ കോാഡിംഗ് പോലെയുള്ള വിഷയങ്ങൾ ഓൺലൈൻ ക്ലാസുകളിലൂടെ മാത്രം പഠിക്കുന്നത് ഭൂരിഭാഗം വിദ്യാർത്ഥികൾക്കും ബുദ്ധിമുട്ടുണ്ടാക്കിയിരുന്നു. ലളിതമായ ഭാഷയിൽ എഴുതിയ പുതിയ ബുക്ക് തന്റെ പ്രായത്തിലുള്ള വിത്യാർത്ഥികളെ പഠനത്തിൽ സഹായിക്കുമെന്നാണ് ആര്യ കണക്കുകൂട്ടുന്നത്.
കഴിഞ്ഞവർഷം പതിനൊന്നാം ക്ലാസിൽ പഠിക്കുമ്പോഴാണ് കോഡിംഗിനെ സങ്കീർണ്ണതകളില്ലാതെ വിവരിക്കുന്ന പുസ്തകത്തിനെ പറ്റിയുള്ള ആശയം മനസ്സിലുദിച്ചത്.ഉടൻ തന്നെ ആശയം പ്രാവർത്തികമാക്കാനുള്ള ശ്രമങ്ങൾ തുടങ്ങി.ഏറെ നാളത്തെ കഷ്ടപാടിനൊടുവിൽ ആര്യക്ക് പുസ്തകം പുറത്തിറക്കാനായി.
