ഭോപ്പാൽ: പ്രധാനമന്ത്രി നരേന്ദ്ര മോദിയുടെ ജന്മദിനത്തിൽ 32 ലക്ഷം ഡോസ് കൊറോണ വാക്സിൻ നൽകാൻ ഒരുങ്ങി മധ്യപ്രദേശ്. മോദിയുടെ ജന്മദിനമായ സെപ്തംബർ 17ന് സംസ്ഥാനത്ത് 32 ലക്ഷം കുത്തിവയ്പ്പുകൾ നടത്തുമെന്ന് അഭ്യന്തര മന്ത്രി നരോത്തം മിശ്ര അറിയിച്ചു.
ആദ്യ ഡോസ് വാക്സിൻ ആയിരിക്കും അന്ന് നൽകുക. സെപ്തംബർ 26നകം സംസ്ഥാനത്തെ അർഹരായ മുഴുവൻ പേർക്കും ആദ്യ ഡോസ് പൂർത്തിയാക്കുമെന്ന് മുഖ്യമന്ത്രി ശിവരാജ് സിങ് ചൗഹാൻ വ്യക്തമാക്കിയിരുന്നു.
മധ്യപ്രദേശിൽ ഇതുവരെ അഞ്ച് കോടിയിലധികം വാക്സിനുകൾ നൽകിയിട്ടുണ്ട്. ഇതിൽ 4,20,43,803 ആദ്യ ഡോസും 99,43,682 രണ്ടാം ഡോസുമാണ്.
