ബാഴ്‌സലോണ: ചാമ്പ്യൻസ് ലീഗിലെ ഈ സീസണിലെ ആദ്യ ഗ്രൂപ്പ് ഘട്ട പോരാട്ടങ്ങൾ ഇന്ന് ആരംഭിക്കും. ആകെ 16 ടീമുകളാണ് കളത്തിലിറങ്ങുന്നത്.
ഇന്ന് ഏവരും കാത്തിരിക്കുന്നത് നിലവിലെ ചാമ്പ്യന്മാരായ ബയേണും ബാഴ്‌സലോണയും തമ്മിലുള്ള പോരാട്ടമാണ്. നാളെ പുലർച്ചെയാണ് മത്സരം നടക്കുന്നത്. അതേ സമയം ക്രിസറ്റിയാനോ എത്തിയ ശേഷം മാഞ്ചസ്റ്റർ യുണൈറ്റഡ് യംഗ് ബോയ്‌സിനെതിരെ ചാമ്പ്യൻസ് ലീഗിലെ ആദ്യ പോരാട്ടത്തിനിറങ്ങുകയാണ്.
പോർച്ചുഗൽ സൂപ്പർതാരം ടീം വിട്ട ശേഷം ഇറ്റാലിയൻ ക്ലബ്ബായ യുവന്റസിനും മത്സരമുണ്ട്. മാൽമോയാണ് എതിരാളികൾ.മറ്റ് മത്സരങ്ങൾ സെവിയ്യ സാൽസ്ബർഗ്ഗിനോടും അത്‌ലാന്റ വിയ്യാറലിനോടും ഏറ്റുമുട്ടും.
ഇംഗ്ലീഷ് ലീഗിലെ യുണൈറ്റഡിന് പുറകേ ലൂകാക്കു എത്തിയതോടെ കരുത്തുകൂടിയ ചെൽസി സെനിത്തിനോടും ലെലേ വൂൾസ്ബർഗ്ഗിനോടും ഏറ്റുമുട്ടും. അവശേഷിക്കുന്ന മത്സരങ്ങളിൽ ഏറ്റുമുട്ടുന്നത് ഡൈനാമോ കീവ്- ബെനഫിക്ക, ഡോട്ട്മുണ്ട്-ബസിറ്റാസ്, ഷാക്തർ ഡോൺസെക്- ഷെറിഫ് എന്നിവർ തമ്മിലാണ്.
