വാഷിംഗ്ടൺ : ചിത്രങ്ങൾ വരയ്ക്കാൻ വ്യത്യസ്തങ്ങളായ കാൻവാസ് തിരഞ്ഞു പോകുന്നവരാണ് കലാകാരന്മാർ.കലയോടുള്ള അടങ്ങാത്ത ദാഹം കൊണ്ട് വീടിന്റെ ചുവരുകൾ മുതൽ അംബരചുംബികളായ കെട്ടിടങ്ങൾ വരെ കലാകാരൻമാർക്ക് കാൻവാസുകളാണ്. പലനിറത്തിലുള്ള ചായക്കൂട്ടുകൾക്ക് പുറമേ കല്ലും മണ്ണും എന്തിനേറെ ആളുകൾ വഴിയോരങ്ങളിൽ വലിച്ചെറിയുന്ന മാലിന്യം വരെ കാൻവാസുകളായി രൂപാന്തരം പ്രാപിക്കുന്നു. നീണ്ടകാലത്തെ പരിശ്രമങ്ങൾക്കൊടുവിലാണ് ഓരോ സൃഷ്ടിയും പിറക്കുന്നത്.
ഇന്ന് മനുഷ്യ ശരീരം പോലും കാൻവാസുകളായി മാറിയിരിക്കുന്നു.പണ്ട് മുതൽക്കേ മനുഷ്യൻ ഇത്തരത്തിൽ സ്വന്തം ശരീരം കാൻവാസാക്കി പച്ച കുത്താറുണ്ട്. കുഞ്ഞു ചിഹ്നങ്ങളിൽ തുടങ്ങി ശരീരത്തിന്റെ എല്ലാ ഭാഗങ്ങളിലും പച്ചകുത്തുന്ന മനുഷ്യരുണ്ട്. എന്നാൽ ഈ ടാറ്റു ഒരു കഥ പറഞ്ഞാലോ…? ഒരു ടാറ്റു അല്ല. കുറേയധികം ടാറ്റൂകൾ ചേർന്ന് അല്പം കൗതുകം നിറഞ്ഞ ഒരു കഥ.
https://www.instagram.com/p/CTxOUnVJmhZ/
ഫിൽ ബെർഗ് എന്ന കലാകാരനാണ് ഈ വ്യത്യസ്തമായ ആശയത്തിന് പിറകിൽ. അതിനായി 76 ടാറ്റുകളാണ് വിത്യസ്ത മനുഷ്യരിലായി അദ്ദേഹം കുത്തിയത്. ഈ ടാറ്റുകളെല്ലാം ഒത്തു ചേരുമ്പോൾ തൊപ്പിവെച്ച ഒരു കോമാളി പരക്കം പായുന്നതും പിന്നീട് അത് മറ്റൊരു രൂപമായി പരിണമിക്കുന്നതും കാണം. എല്ലാ ടാറ്റുവിന്റേയും ദൃശ്യങ്ങൾ ചേർത്ത് ഫിൽ ബെർഗ് ഇതിനായി ഒരു സ്റ്റോപ്പ് മോഷൻ വീഡിയോ ഉണ്ടാക്കിയിട്ടുണ്ട്. ഇൻസറ്റഗ്രാമിൽ പോസറ്റ് ചെയ്ത വീഡിയോയ്ക്ക് മികച്ച പ്രതികരണമാണ് ലഭിച്ചിരിക്കുന്നത്. ഫിൽ ബെർഗിന്റെ പരിശ്രമത്തെയും കഴിവിനേയും അഭിനന്ദിച്ച് നിരവധിപേരാണ് വീഡിയോ പങ്കുവെച്ചിരിക്കുന്നത്.
Comments