വാഷിംഗ്ടൺ: വളർത്ത് മൃഗങ്ങളുടെ രസകരമായ ദൃശ്യങ്ങൾ സമൂഹ മാദ്ധ്യമങ്ങളിൽ പുതുമയുള്ള കാര്യമല്ല. നിരവധി ആളുകൾ ഇത്തരത്തിൽ ഓമന മൃഗങ്ങളുടെ ചിരിപ്പിക്കുന്നതും ചിന്തിപ്പിക്കുന്നതുമായ ദൃശ്യങ്ങൾ സമൂഹ മാദ്ധ്യമങ്ങളിൽ പ്രദർശിപ്പിക്കാറുണ്ട്. ഇന്ന് വൈറലായി മാറിയിരിക്കുന്നത് അങ്ങനെയുള്ള ഒരു വീഡിയോയാണ്. പൂച്ചയുടെ പക്കൽ നിന്നും അടി കിടിയ ശേഷമുള്ള പട്ടിയുടെ മുഖഭാവമാണ് ദൃശ്യങ്ങളിൽ കാണാൻ സാധിക്കുന്നത്.
പൂച്ചയും പട്ടിയും ആജന്മ ശത്രുക്കളാണെന്ന് കുട്ടിക്കാലം മുതലെ പറഞ്ഞ് കേട്ട ഒന്നാണ്. കിടപ്പുമുറിയിൽ ഭക്ഷണം ആസ്വദിച്ച് കഴിക്കുകയായിരുന്ന പട്ടിയുടെ സമീപം എത്തിയ പൂച്ച, യാതൊരു കരുണയുമില്ലാതെ പട്ടിയുടെ മുഖത്ത് തല്ലി. സംഭവത്തിന്റെ കാരണം മനസിലാവാതെ പകച്ചു നിൽകുന്ന പട്ടിയുടെ മുഖഭാവത്തോടു കൂടി ദൃശ്യങ്ങൾ അവസാനിക്കുന്നു.
ട്വിറ്ററിൽ പങ്കുവെച്ച ഏവരെയും ചിരിപ്പിക്കുന്ന ഈ വീഡിയോ നിരവധി പേരാണ് ഇതിനോടകം കണ്ടത്.
— Animals Being Jerks (@AnimalsBeingJer) October 6, 2021
Comments