മലപ്പുറം : പൊന്നാനിയിൽ മത്സ്യബന്ധന വള്ളം മറിഞ്ഞ് മത്സ്യത്തൊഴിലാളികളെ കാണാതായി. ഒരാളെ രക്ഷിച്ചു. പൊന്നാനി തീരത്തു നിന്നും ഇന്നലെ രാത്രി മത്സ്യബന്ധനത്തിന് പോയവരാണ് അപകടത്തിൽപ്പെട്ടത്.
മുക്കാടി സ്വദേശികളായ ബീരാൻ, ഇബ്രാഹിം, മുഹമ്മദലി, ഹംസക്കുട്ടി എന്നിവരാണ് വള്ളത്തിൽ ഉണ്ടായത്. നടുക്കടലിൽ മത്സ്യബന്ധനത്തിനിടെ വള്ളം മറിയുകയായിരുന്നു. നാലംഗ സംഘത്തിലെ ഹംസക്കുട്ടിയെയാണ് രക്ഷിച്ചത്. നടുക്കടലിൽ നീന്തുന്നതു കണ്ട ഇയാളെ മറ്റ് മത്സ്യത്തൊഴിലാളികൾ രക്ഷിക്കുകയായിരുന്നു. ഇയാളാണ് അപകട വിവരം അറിയിച്ചത്.
ഹംസക്കുട്ടിയുടെ പക്കൽ നിന്നും ലഭിച്ച വിവരത്തിന്റെ അടിസ്ഥാനത്തിൽ ബാക്കി മൂന്ന് പേർക്കായുള്ള തെരച്ചിൽ തുടരുകയാണ്. ബീരാനാണ് മത്സ്യബന്ധന ബോട്ടിന്റെ ഉടമ. നിലവിൽ ഹംസക്കുട്ടി പൊന്നാനി താലൂക്ക് ആശുപത്രിയിൽ ചികിത്സയിലാണ്
Comments