നൃൂഡൽഹി: വാക്സിൻ ഉത്പാദനത്തിനായി പ്രധാനമന്ത്രി നരേന്ദ്ര മോദിയുടെ കാഴ്ചപ്പാട് ഞങ്ങളെ പ്രോത്സാഹിപ്പിക്കുകയും ഊർജസ്വലമാക്കുകയും ചെയ്തുവെന്ന് സെറം ഇൻസ്റ്റിറ്റൃൂട്ട് സിഇഒ അദാർ പൂനാവാല. വാക്സിൻ നിർമ്മാതാക്കളുമായി പ്രധാനമന്ത്രി നടത്തിയ കൂടിക്കാഴ്ചയ്ക്ക് ശേഷം ട്വിറ്ററിലൂടെയാണ് അദ്ദേഹം വ്യക്തമാക്കിയത്.
വാക്സിനുമായി ബന്ധപ്പെട്ട് മോദിയുടെ ഇടപെടലിന് താനും സെറം ഇൻസ്റ്റിറ്റൃൂട്ടും നന്ദി അറിയിക്കുന്നുവെന്നും ഞങ്ങളെ പ്രോത്സാഹിപ്പിക്കുകയും ഊർജസ്വലമാക്കുകയും ചെയ്തുവെന്നും അദ്ദേഹം ട്വിറ്റ് ചെയ്തു.
100 കോടി കൊറോണ വാക്സിനേഷൻ എന്ന ഇന്ത്യയുടെ നേട്ടം ഒരു നാഴികക്കല്ലാണ്. വാക്സിൻ നിർമാതാക്കൾ ഇന്ത്യൻ സർക്കാരുമായി ചേർന്ന് പ്രവർത്തിച്ചതിനാലാണ ഈ നേട്ടം കൈവരിക്കാൻ സാധിച്ചതെന്നും അദാർ പറഞ്ഞു. മഹാമാരി തുടർന്നാൽ എങ്ങനെ മുന്നോട്ട പോകണമെന്ന് തയ്യാറെടുക്കാനുളള ചർച്ചകൾ നടത്തിയെന്നും വാക്സിൻ
ഉത്പാദനം വർധിപ്പിക്കാനുളള കാര്യങ്ങളും വാക്സിൻ ഉത്പാദനത്തിൽ എങ്ങനെ മറ്റ് രാജ്യങ്ങളേക്കാൾ മുൻപിലെത്താമെന്ന ചർച്ചകളും നടന്നതായി അദ്ദേഹം പറഞ്ഞു.
100 കോടി വാക്സിനേഷൻ എന്ന നേട്ടം കൈവരിച്ചതിന്റെ പശ്ചാത്തലത്തിലാണ് കൂടിക്കാഴ്ച നടന്നത്. കേന്ദ്ര ആരോഗ്യ മന്ത്രി മൻസൂഖ് മാണ്ഡവ്യ സഹമന്ത്രി ഭാരതി പ്രവീൺ പവാർ എന്നിവരും യോഗത്തിൽ പങ്കെടുത്തിരുന്നു. കഴിഞ്ഞ 24 മണിക്കൂറിനിടെ 68,48,417 വാക്സിന് ഡോസുകളാണ് നൽകിയതെന്നും ആരോഗ്യ മന്ത്രാലയം അറിയിച്ചു. ഇന്ന് രാവിലെ 7 മണിയോടെ രാജ്യം 101.30 കോടി വാക്സിനേഷൻ എന്ന നേട്ടത്തിൽ എത്തി. ഓക്ടോബർ 21 നായിരുന്നു വാക്സിനേഷൻ പദ്ധതിയിൽ രാജ്യം സുപ്രധാന നാഴികകല്ല് കൈവരിച്ചത്.
Comments