പാലക്കാട് : മണ്ണാർക്കാട് വിദേശ മദ്യശാലയിലെ കളക്ഷൻ തുകയുമായി ജീവനക്കാരൻ മുങ്ങി. കാഞ്ഞിരപ്പുഴയിലെ കാഞ്ഞിരത്തുള്ള ബെവ്കോ ഔട്ട്ലെറ്റിലെ ജീവനക്കാരൻ ഗിരീഷാണ് മുങ്ങിയത് . സംഭവത്തിൽ പോലീസ് കേസ് എടുത്ത് അന്വേഷണം ആരംഭിച്ചു.
നാല് ദിവസത്തെ തുകയുമായാണ് ഗിരീഷ് കടന്നു കളഞ്ഞത്. ഒക്ടോബർ 21 മുതൽ 24 വരെ ലഭിച്ച 31, 25, 240 രൂപയാണ് ഇയാളുടെ പക്കൽ ഉള്ളത്. കഴിഞ്ഞ നാലു ദിവസമായി ബാങ്ക് അവധിയായതിനാൽ ഔട്ട്ലെറ്റിലെ കളക്ഷൻ ബാങ്കിൽ നിഷേപിച്ചിരുന്നില്ല. തുടർന്ന് പണം ചിറക്കൽപ്പടിയിലെ എസ്ബിഐ ശാഖയിൽ അടക്കാനായി ഷോപ്പ് മാനേജർ കൊടുത്തു വിട്ടപ്പോഴാണ് ഗിരീഷ് പണവുമായി മുങ്ങിയത്.
ആലത്തൂർ സ്വദേശിയാണ് ഗിരീഷ്. സംഭവത്തിൽ മണ്ണാർക്കാട് പോലീസാണ് അന്വേഷണം നടത്തുന്നത്.
