പത്തനംതിട്ട: ശബരിമല ദർശനത്തിനെത്തുന്ന അയ്യപ്പഭക്തർക്കായി കൊറോണ മാനദണ്ഡങ്ങളിൽ ഇളവ് അനുവദിച്ചു. രോഗവ്യാപനം കുറഞ്ഞത് കണക്കിലെടുത്താണ് ആരോഗ്യവകുപ്പിന്റെ നടപടി.
വെർച്വൽ ക്യൂ സംവിധാനത്തിലൂടെ ബുക്ക് ചെയ്ത് ദർശനത്തിനെത്തുന്ന ഭക്തർക്കാണ് ഇളവുകൾ ലഭിക്കുക. ഇവർക്ക് കൊറോണ പ്രതിരോധ വാക്‌സിൻ രണ്ട് ഡോസുകളും സ്വീകരിച്ചതിന്റെ സർട്ടിഫിക്കറ്റോ അല്ലെങ്കിൽ 72 മണിക്കൂറിനുള്ളിലെടുത്ത ആർ.ടി.പി.സി ആർ നെഗറ്റീവ് സർട്ടിഫിക്കറ്റോ മതിയാകും.
തിരുവിതാംകൂർ ദേവസ്വം ബോർഡ് പ്രസിഡന്റ് അഡ്വ.എൻ.വാസു ആണ് ഇക്കാര്യം അറിയിച്ചത്. നേരത്തെ ആരോഗ്യ വകുപ്പ് പുറത്തിറക്കിയ ഉത്തരവിൽ ഭക്തർക്ക് ഇത് രണ്ടും വേണമെന്നായിരുന്നു നിർദ്ദേശിച്ചിരുന്നത്.
