ആൻഡമാൻ:ആൻഡമാൻ നിക്കോബാർ ദ്വീപുകളിൽ ഭൂചലനം ഉണ്ടായതായി റിപ്പോർട്ട്. ദ്വീപിൽ നിന്ന് 218 കിലോമീറ്റർ തെക്ക്-കിഴക്കായാണ് ഭൂചലനം ഉണ്ടായത്.
ഉൾക്കടലിൽ റിക്ടർ സ്കെയിൽ 4.3 തീവ്രതയുള്ള ഭൂചലനം ഉണ്ടായതായാണ് റിപ്പോർട്ട്.നാഷ്ണൽ സെന്റർ ഫോർ സീസ്മോളജി ആണ് വിവരങ്ങൾ പുറത്ത് വിട്ടത്.
ഉൾക്കടലിൽ 16 കിലോമീറ്റർ ആഴത്തിലാണ് ഭൂചലനം ഉണ്ടായതെന്ന് റിപ്പോർട്ടുകൾ വ്യക്തമാക്കുന്നു. രണ്ടുമാസത്തിനിടെ ഇത് രണ്ടാം തവണയാണ് ആൻഡമാനിൽ ഭൂചലനം ഉണ്ടാവുന്നത്.
ഇതിന് മുൻപ് ദ്വീപിലെ കാംപ്ബൈൽ ഉൾക്കടലിൽ റിക്ടർ സ്കെയിൽ 5.0 തീവ്രതയുള്ള ഭൂചലനം ഉണ്ടായിരുന്നു. അന്ന് ഉൾക്കടലിൽ 40 കിലോമീറ്റർ ആഴത്തിലാണ് ഭൂചലനം ഉണ്ടായത്.
