മുംബൈ : ലഹരി മരുന്ന് കേസിൽ അറസ്റ്റിലായ മകന് നേർ വഴി ഉപദേശിക്കാൻ ലൈഫ് കോച്ചിനെ നിയമിച്ച് ബോളിവുഡ് താരം ഷാരൂഖ് ഖാൻ . അര്ഫീന് ഖാന് ആണ് ആര്യന്റെ കോച്ച്. ലഹരി മരുന്ന് കേസില് ഉൾപ്പെട്ട് ജയിലില് കഴിഞ്ഞപ്പോഴുണ്ടായ മാനസികവും വൈകാരികവുമായ പ്രശ്നങ്ങള് മറികടക്കാന് വേണ്ടിയാണ് ലൈഫ് കോച്ചിനെ നിയമിച്ചിരിക്കുന്നതെന്നാണ് റിപ്പോർട്ട് .
ഹൃത്വിക് റോഷന്റെ മാര്ഗനിര്ദേശിയായിരുന്നു അര്ഫീന് ഖാന് .സൂസനുമായുള്ള വിവാഹമോചന സമയത്ത് ഹൃത്വികിനുണ്ടായ പ്രശ്നങ്ങള് മറികടക്കാന് സഹായിച്ചത് അര്ഫീന് ഖാന് ആയിരുന്നു. ആര്യൻ അറസ്റ്റിലായതും , തുടർന്നുണ്ടായ പ്രതിസന്ധികളും ഷാരൂഖിന്റെയും ഏറെ ബാധിച്ചതായി റിപ്പോർട്ടുകളുണ്ടായിരുന്നു . തന്റെ സിനിമാ നിർമ്മാതാക്കളോടും ഷൂട്ടിംഗിനിടയിൽ ഇടവേളകൾ നൽകണമെന്നും , തനിക്ക് കുടുംബത്തോടൊപ്പം സമയം ചിലവഴിക്കണമെന്നും ഷാരൂഖ് പറഞ്ഞിരുന്നു.
ആഡംബരക്കപ്പലിലെ ലഹരിവിരുന്നുമായി ബന്ധപ്പെട്ട കേസില് ഒക്ടോബർ രണ്ടിന് കസ്റ്റഡിയിലായ ആര്യനെ പിറ്റേന്നാണ് നര്കോട്ടിക്സ് കണ്ട്രോള് ബ്യൂറോ (എന്സിബി) അറസ്റ്റ് ചെയ്തത്. എട്ടാം തീയതി മുതല് ആര്തര് റോഡ് ജയിലില് ജുഡീഷ്യല് കസ്റ്റഡിയിലായിരുന്നു.അറസ്റ്റിലായി നാല് ആഴ്ചയ്ക്കു ശേഷമാണ് ആര്യന് ജയില്മോചിതനായത്
