പച്ചമാങ്ങയും പുളിയുമൊക്കെ തിന്നുന്നത് കാണുമ്പോൾ വായിൽ വെള്ളമൂറാത്താവരായി ആരെങ്കിലുമുണ്ടോ? സിനിമയിൽ പോലും ഈ രംഗങ്ങൾ കണ്ടാൽ അറിയാതെ ഒന്ന് വെള്ളമിറക്കിപോകും. എന്തുകൊണ്ടാണെന്ന് ഇങ്ങനെ സംഭവിക്കുന്നതെന്ന് എപ്പോഴെങ്കിലും ചിന്തിച്ചിട്ടുണ്ടോ? ചിന്തിച്ചിട്ടില്ലെങ്കിൽ ചിന്തിക്കണം..സംഭവം മറ്റൊന്നുമല്ല. എല്ലാം തലച്ചോറിന്റെ ഓരോരോ കളികളാണ്.
ആ കളിയെന്താണെന്ന് നമുക്കൊന്ന് നോക്കാം.
നമ്മുടെ ശരീരത്തിലെ ഏറ്റവും പ്രധാനപ്പെട്ട അവയവമാണ് തലച്ചോർ. ഹൃദയ മിടിപ്പ്, ശ്വസനം, ഭക്ഷണത്തിന്റെ ദഹനം തുടങ്ങി എല്ലാ പ്രവർത്തനങ്ങളും നിയന്ത്രിക്കുന്നത് തലച്ചോറാണ്. ഈ തലച്ചോറ് തന്നെയാണ് ചില വിഭവങ്ങൾ കാണുമ്പോൾ വായിൽ വെള്ളമൂറാൻ കാരണവും. തുടർച്ചയായി ഉണ്ടാകുന്ന സംഭവങ്ങൾ, ശരീരത്തിലുണ്ടാക്കുന്ന സ്വാഭാവിക പ്രതികരണങ്ങൾ എന്നിവ തലച്ചോറിൽ രേഖപ്പെടുത്തി വെച്ചിട്ടുണ്ടാകും. ഇതാണ് നമ്മുടെ ആവശ്യപ്രകാരം അല്ലാതെ തന്നെ പ്രകടിപ്പിക്കാൻ കാരണം.
പുളിയും പച്ചമാങ്ങയും പോലെയുള്ള ആഹാര സാധനങ്ങൾ പോലുള്ള ആഹാര സാധനങ്ങൾ കാണുമ്പോൾ വായിൽ നിന്നും വെള്ളം വരുന്നതും ഈ കാരണം കൊണ്ടാണ്. ശരീരത്തിന്റെ ഇത്തരത്തിലുള്ള പ്രതിഭാസത്തെ അനൈച്ഛിക ചേശ്ഠി അധവാ കണ്ടീഷ്ണഡ് റിഫ്ലെക്സ് എന്നാണ് പറയുന്നത്. വളരെ സ്വാദിഷ്ടമായ ആഹാര സാധനങ്ങൾ കാണുമ്പോഴും ചില ഭക്ഷണങ്ങളുടെ ഗന്ധമേൽക്കുമ്പോഴുമാണ് പൊതുവെ ഇങ്ങനെ സംഭവിക്കുന്നത്.
നമ്മുടെ ആഗ്രഹം ഇല്ലാതെ സ്വയം നടക്കുന്ന പ്രതിഭാസത്തെയാണ് കണ്ടീഷ്ണഡ് റിഫ്ലക്സ് എന്ന് പറയുന്നത്. തലച്ചോറും ഈ പ്രതിഭാസവും തമ്മിൽ ബന്ധപ്പെട്ടു കിടക്കുന്നു. ഉമിനീർ ഗ്രന്ഥികൾക്ക് സ്രവിക്കാൻനിർദ്ദേശം നൽകുന്നത് തലച്ചോറാണ്. റഷ്യൻ ശാസ്ത്രജ്ഞനായ ഇവാൻ പാവ്ലോവ് നടത്തിയ പരീക്ഷണങ്ങളിൽ നിന്നുമാണ് ഇങ്ങെനെ ഒരു നിഗമനത്തിലെത്തിയത്. ശരീരശാസ്ത്രത്തിനും വൈദ്യശാസ്ത്രത്തിനുമുള്ള നൊബൽ സമ്മാനം ലഭിച്ച ആദ്യ റഷ്യക്കാരനാണ് പാവ്ലോവ്. എലികളിലാണ് പാവ്ലോവ് പരീക്ഷണം നടത്തി വിജയിച്ചത്.
ഭക്ഷണം കഴിക്കുന്നത് ആരോഗ്യത്തിന് വേണ്ടിയാണെങ്കിലും ഇത് ബന്ധപ്പെട്ട് കിടക്കുന്നത് തലച്ചോറുമായാണ്. തലച്ചോറിന്റെ നിർദ്ദേശങ്ങൾക്ക് അനുസരിച്ചാണ് അവ പ്രവർത്തിക്കുന്നത്. ചില ഭക്ഷണ സാധനങ്ങളോടുള്ള ഇഷ്ടക്കേടും ചിലത് ഒരുപാട് കഴിക്കുന്നതുമെല്ലാം ഇതിൽപ്പെടുന്നു. തലച്ചോർ പുറപ്പെടുവിക്കുന്ന ഡോപാമിനാണ് ഇതിന് കാരണം. ഭക്ഷണം കഴിക്കുമ്പോൾ ഒരു ഉന്മേഷമൊക്കെ തോന്നാറുണ്ട്. ഇതിനു പിന്നിലും തലച്ചോറ് ആണെന്നാണ് ഗവേഷകർ പറയുന്നത്.
Comments