തിരുവനന്തപുരം: വഖഫ് പി.എസ്.സി വിഷയത്തിൽ സമസ്ത കാണിച്ചത് മഹാമനസ്‌കതയെന്ന് മന്ത്രി വി അബ്ദുറഹിമാൻ.സമസ്തയുമായുള്ള ചർച്ചയ്‌ക്ക് മുഖ്യമന്ത്രി വാതിൽ തുറന്നിട്ടു.സമസ്തയുമായുള്ള ചർച്ചയ്‌ക്ക് ഇനി രാഷ്‌ട്രീയ ഇടനിലവേണ്ടെന്നും അദ്ദേഹം പറഞ്ഞു. ലീഗിന്റെ സമരം രാഷ്‌ട്രീയ ലക്ഷ്യം വെച്ചാണ് ലീഗിന്റേത് വെറും വിലപേശൽ മാത്രമാണെന്നും ഇത് നിർത്തണമെന്നും അദ്ദേഹം കൂട്ടിച്ചേർത്തു.
വഖഫ് ബോർഡ് നിയമനം പി എസ് സിക്ക് വിടുന്നതുമായി ബന്ധപ്പെട്ട് മുഖ്യമന്ത്രി പിണറായി വിജയനും,സമസ്ത നേതാക്കളും ഇന്ന് കൂടിക്കാഴ്ച നടത്തിയിരുന്നു.വഖഫ് നിയമനം പി.എസ്.സി യ്‌ക്ക് വിട്ടത് തൽക്കാലം നടപ്പിലാക്കില്ലെന്ന് ചർച്ചയിൽ പിണറായി വിജയൻ ഉറപ്പ് നൽകിയതായി സമസ്ത നേതാക്കൾ വ്യക്തമാക്കി.
ഇതിന് പിന്നാലെ സമസ്തയെ ചർച്ചക്ക് വിളിച്ചത് കൊണ്ട് മാത്രം പ്രക്ഷോഭം ഒഴിവാക്കില്ലെന്ന് മുസ്ലീം ലീഗ് സംസ്ഥാന ജനറൽ സെക്രട്ടറി പിഎംഎ സലാം പറഞ്ഞു.നേരത്തെ നിശ്ചയിച്ച വഖഫ് സംരക്ഷണ റാലിയിൽ നിന്ന് മാറ്റമില്ലെന്ന് സാദിഖലി ശിഹാബ് തങ്ങൾ വ്യക്തമാക്കിയിരുന്നു.
