ലക്നൗ : ആഗ്രയിലെ റോഡിന് വിശ്വഹിന്ദു പരിഷത് നേതാവ് അശോക് സിംഗ്ഹലിന്റെ പേര് നൽകി ബിജെപി. ഗാട്ടിയ അസം ഖാൻ മാർഗ് റോഡിനാണ് നേതാവിന്റെ പേര് നൽകിയത്. അശോക് സിംഗ്ഹാലിനോടുള്ള ആദരസൂചകമായാണ് റോഡിന്റെ പേര് മാറ്റിയതെന്ന് ഭരണകൂടം അറിയിച്ചു.
ആഗ്ര മേയർ നവീൻ ജയ്നിന്റെ നേതൃത്വത്തിലാണ് റോഡ് പുനർനാമകരണം ചെയ്യാനുള്ള പ്രവർത്തനങ്ങൾ നടന്നത്. പുതിയ പേര് അദ്ദേഹം തന്നെയാണ് അനാച്ഛാദനം ചെയ്തത്. അടിമത്വ കാലഘട്ടത്തെ ഇത്തരം പേരുകൾ മാറ്റുന്നത് തുടരുമെന്ന് ചടങ്ങിൽ അദ്ദേഹം പറഞ്ഞു.
കഴിഞ്ഞ മാസം ആഗ്രയിലെ മുഗൾ റോഡ് ഭരണകൂടം പുനർനാമകരണം ചെയ്തിരുന്നു. ഇതിന് പിന്നാലെയാണ് ഗാട്ടിയ അസം ഖാൻ മാർഗ് റോഡിന്റെയും പേര് മാറ്റുന്നത്. മഹാരാജ് അഗ്രസേൻ മാർഗ് എന്നാണ് റോഡിന്റെ പുതിയ പേര്. മഹാരാജ് അഗ്രസെനിന്റെ ആരാധകരുടെ ശക്തമായ ആവശ്യത്തെ തുടർന്ന് ആയിരുന്നു റോഡ് പുനർനാമകരണം ചെയ്തത്.
