തുടർച്ചയായി ഒരേ കമ്പനിയിൽ ജോലി ചെയ്യുന്നത് പുതുമയുള്ള കാര്യമല്ല.ലോകത്തിന്റെ വിവിധ ഭാഗങ്ങളിൽ ഉള്ളവർ അവർക്കിഷ്ടമുള്ള സ്ഥാപനങ്ങളിൽ വർഷങ്ങളോളം ജോലി ചെയ്യുന്നു.എന്നാൽ അഞ്ചു വർഷം തുടർച്ചയായി കാര്യമായി ഒരു ജോലിയും ചെയ്യാതെ സ്ഥാപനത്തിൽ തുടരാൻ സാധിക്കുമോ? അത് കൂടാതെ പ്രമോഷനും ശമ്പളവർദ്ധനവും കമ്പനി നൽകിയാലോ. അസാദ്ധ്യം എന്നാവും പലരുടേയും ഉത്തരം.
എന്നാൽ അതിന് സാധിക്കുമെന്നാണ് ഒരു യുവാവ് പറയുന്നത്. 2015 ൽ ഒരു കമ്പനിയുടെ നൈറ്റ് ഷിഫ്റ്റിൽ ഡാറ്റാ എൻട്രി ജോലി ചെയ്ത് വരുന്ന ഒരു യുവാവ് ആണാ ഭാഗ്യവാൻ. ജോലിയുടെ ഭാഗമായ ട്രെയിനംഗ് കഴിഞ്ഞയുടൻ കമ്പനി ഇയാളെ നൈറ്റ് ഷിഫ്റ്റിന് നിയോഗിച്ചു. രാത്രിയിലെ ജോലിയായതിനാൽ കമ്പനി ഇയാളെ വർക്ക് ഫ്രം ഹോമിന് അനുവദിച്ചിരുന്നു.
ഇമെയിലിൽ ഓർഡറുകളുടെ വിവരങ്ങൾ കമ്പനിയുടെ സിസ്റ്റത്തിലേക്ക് ചേർക്കുകയായിരുന്നു ജോലി. എന്നാൽ ട്രെയിനിങ് സമയത്ത് തന്നെ ഇത് കോഡിംഗിലൂടെ ഓട്ടോമാറ്റിക്കായി എത്തിക്കാനാവും എന്ന് യുവാവ് മനസിലാക്കി.തുടർന്ന് മറ്റൊരാളുടെ സഹായത്തോടെ ഈ സാങ്കേതിക വിദ്യ യുവാവ് തന്റെ കമ്പ്യൂട്ടറിൽ ഉൾപ്പെടുത്തുകയായിരുന്നു.
ഈ സാങ്കേതിക വിദ്യ ഉൾപ്പെടുത്തിയതോടെ ഒരുമണിക്കൂറിൽ എത്ര ഓഡറുകളുടെ വിവരങ്ങൾ പ്രോസസ് ചെയ്യണം എന്ന കമാൻഡ് മാത്രമാണ് ഇയാൾക്ക് നൽകേണ്ടിയിരുന്നത്. ഇതിനായി അഞ്ച് മിനിറ്റ് മാത്രമാണ് ഇയാൾക്ക് വേണ്ടിയിരുന്നത്.
ഇതിനിടെ ഒരിക്കലും ലീവെടുക്കാതെ ജോലി ചെയ്തു എന്ന് കാണിച്ച് കമ്പനി ഇയാൾക്ക് രണ്ടുതവണ ശമ്പളം കൂട്ടി നൽകി.എന്നാൽ അടുത്തിടെ കമ്പനി യുവാവിന്റെ കള്ളം പിടിച്ചു.ഇത്രയും സമർത്ഥനായ ജീവനക്കാരനെ പിരിച്ചുവിടാതെ ശമ്പള വർദ്ധനവോടെ മറ്റൊരു പോസ്റ്റിലേക്ക് പ്രമോഷൻ നൽകിയിരിക്കുകയാണ് കമ്പനി.
