തിരുവനന്തപുരം: ക്രിസ്തുമസ് ആശംസകൾ നേർന്ന് മുഖ്യമന്ത്രി പിണറായി വിജയൻ. സാഹോദര്യവും സമത്വവും സ്നേഹവും നിറഞ്ഞ ലോകം സ്വപ്നം കാണാൻ നമ്മെ പ്രചോദിപ്പിക്കുന്ന ആഘോഷമാണ് ക്രിസ്മസെന്ന് പറഞ്ഞ മുഖ്യമന്ത്രി ഏവർക്കും ക്രിസ്തുമസ് ആശംകൾ നേർന്നു.
‘സാഹോദര്യവും സമത്വവും സ്നേഹവും നിറഞ്ഞ ലോകം സ്വപ്നം കാണാൻ നമ്മെ പ്രചോദിപ്പിക്കുന്ന ആഘോഷമാണ് ക്രിസ്തുമസ്. എല്ലാവരേയും തുല്യരായി കാണാനും അപരന്റെ സുഖത്തിൽ സന്തോഷം കണ്ടെത്താനും ആഹ്വാനം ചെയ്യുന്ന കറയറ്റ മാനവികതയാണ് ക്രിസ്തുമസിൻറ അന്ത:സത്ത.
ഈ സന്ദേശം ഉയർത്തിപ്പിടിച്ച് ഒത്തൊരുമയോടുകൂടി എല്ലാവരും ക്രിസ്തുമസ് ആഷോഷിക്കണം. അതേസമയം കൊറോണ മഹാമാരി വിട്ടൊഴിയാത്തതിനാൽ ക്രിസ്തുമസ് ആഘോഷം കരുതലോടെ കൂടി വേണം’. ക്രിസ്തുമസ് ആശംസകൾ നേർന്നുകൊണ്ട് മുഖ്യമന്ത്രി പറഞ്ഞു.
