ആലപ്പുഴ : രൺജീത് ശ്രീനിവാസനെ കൊലപ്പെടുത്തിയ സംഭവത്തിൽ എസ്ഡിപിഐ നേതാവ് അറസ്റ്റിൽ. വെള്ളക്കിണർ സ്വദേശി സിനുവാണ് അറസ്റ്റിലായത്. എസ്ഡിപിഐ ഏരിയ സെക്രട്ടറിയാണ് സിനു.
രൺജിത്തിനെ കൊലപ്പെടുത്താനായി നടത്തിയ ഗൂഢാലോചനയിൽ സിനുവിന് പങ്കുള്ളതായി കണ്ടെത്തിയിരുന്നു. ഇതേ തുടർന്നാണ് അറസ്റ്റ് ചെയ്തത്. ഇതോടെ സംഭവത്തിൽ അറസ്റ്റിലായവരുടെ എണ്ണം എട്ടായി.
അതേസമയം സംഭവത്തിൽ കൃത്യത്തിൽ നേരിട്ട് പങ്കെടുത്ത രണ്ട് പേരെ മാത്രമാണ് പോലീസിന് ഇതുവരെ പിടികൂടാൻ ആയത്. അറസ്റ്റിലായ സിനുവുൾപ്പെടെയുള്ളവർ ഗൂഢാലോചനയിൽ പങ്കെടുത്തവരും, പ്രതികളെ സഹായിച്ചവരുമാണ്. കൃത്യം നടത്തിയ ശേഷം പ്രതികൾ സംസ്ഥാനം വിട്ടെന്ന നിഗമനത്തിന്റെ അടിസ്ഥാനത്തിലാണ് ഇപ്പോൾ അന്വേഷണം പുരോഗമിക്കുന്നത്. ഇതര സംസ്ഥാനങ്ങളിലെ എസ്ഡിപിഐ പോപ്പുലർഫ്രണ്ട് പ്രവർത്തകരുടെ സഹായത്തോടെ പ്രതികൾ ഒളിവിൽ കഴിയുകയാണെന്നാണ് പോലീസ് നിഗമനം.
Comments