പത്തനംതിട്ട:ധർമ്മശാസ്താവിന്റെ അനുഗ്രഹം തേടി തേജസ്വി സൂര്യയെത്തി. പമ്പയിൽ നിന്ന് കെട്ടുനിറച്ച് ശരണം വിളിയോടെ മലകയറിയ അദ്ദേഹം രാത്രിയോടെയാണ് ദർശനം നടത്തിയത്.
യുവമോർച്ച സംസ്ഥാന പ്രസിഡന്റ് പ്രഫുൽ കൃഷ്ണയ്ക്ക് ഒപ്പമായിരുന്നു യുവമോർച്ച ദേശീയ അദ്ധ്യക്ഷനും ബംഗളൂരു സൗത്ത് എംപിയുമായ തേജ്വസി സൂര്യ മലകയറി ദർശനത്തിന് എത്തിയത്.
വൈകീട്ട് അഞ്ചിന് ഹെലികോപ്ടറിൽ നിലയ്ക്കെലെത്തിയ അദ്ദേഹം ഏഴിന് പമ്പാ ഗണപതി ക്ഷേത്രത്തിൽ എത്തി. തുടർന്ന് ശ്രീകുമാർ വാസുദേവൻ നമ്പൂതിരി അദ്ദേഹത്തിന് കെട്ടുനിറച്ചു നൽകി. ഒൻപത് പേരടങ്ങുന്ന സംഘത്തോടൊപ്പമാണ് അദ്ദേഹം അയ്യപ്പ ദർശനത്തിനെത്തിയത്.
സന്നിധാനത്ത് ഗസ്റ്റ് ഹൗസിൽ അദ്ദേഹം ഇന്ന് തങ്ങും. നാളെ രാവിലെയും ദർശനത്തിന് ശേഷമാകും മടങ്ങുക. യുവമോർച്ച സംസ്ഥാന ജനറൽ സെക്രട്ടറി ടിനിൽ, ഉപാദ്ധ്യക്ഷൻ നന്ദകുമാർ തുടങ്ങിയവരും തേജ്വസി സൂര്യയോടൊപ്പം അയ്യപ്പദർശനത്തിനെത്തി.
