ചാണ്ഡീഗഡ്: കൗണ്സിലര്മാരുടെ എണ്ണംകൊണ്ട് ഭരണം പിടിക്കാമെന്നു മോഹിച്ച എഎപിക്ക് വമ്പന് തിരിച്ചടി. എഎപിയെ ഞെട്ടിച്ച് ബിജെപി അംഗം മേയറായി. 14 വോട്ടുകളാണ് ബിജെപി നേടിയത്. എഎപി സ്ഥാനാര്ത്ഥി അഞ്ജു കട്യാലിന് 13 വോട്ടാണ് കിട്ടിയത്.
അതെ സമയം ഡിസംബര് 27ന് 35 വാര്ഡുകളില് 14 എണ്ണം നേടി എഎപി ഒറ്റക്കക്ഷിയായി. ബിജെപിക്ക് 12 കോണ്ഗ്രസ് എട്ട്, ശിരോമണി അകാലി ദള് ഒന്ന് എന്നിങ്ങനെയായിരുന്നു വോട്ട് നില.
എന്നാല് എഎപിക്ക് തിരിച്ചടിയായി പുതുതായി തിരഞ്ഞെടുക്കപ്പെട്ട കോണ്ഗ്രസ് കൗണ്സിലര് ഹര്പ്രീത് കൗര് ബാബ്ല ബിജെപിയിലേക്ക് ചേക്കേറി. ഇതോടെ ബിജെപിക്ക് 13 ആയി. ചാണ്ഡിഗഡ് എംപി കിരണ് ഖേര് എക്സ് ഒഫീഷ്യോ അംഗമെന്ന നിലയില് സാങ്കേതികമായി വോട്ട് 14 ആയി.
മേയര് തിരഞ്ഞെടുപ്പില് ഒരേനിലയിലായിരുന്നു ബിജെപിയും എഎപിയും. മേയറായി തിരഞ്ഞെടുക്കപ്പെടാന് അഞ്ചുവീതം വോട്ട് വേണമെന്നിരിക്കെ എഎപിയുടെ ഒരുവോട്ട് അസാധുവായത് ബിജെപിക്ക് തുണയായി. ഏഴ് കോണ്ഗ്രസ് അംഗങ്ങളും ഒരു ശിരോമണി അകാലിദള് അംഗവും വിട്ടുനിന്നതോടെ ബിജെപിയുടെ വരവ് എളുപ്പമാക്കി. ഫലപ്രഖ്യാപനം വന്നപ്പോള് അരവിന്ദ് കെജ്രിവാളിന്റെ എഎപി തറപറ്റി.
സരബ്ജിത്ത് കൗറിന്റെ നേതൃത്വത്തില് ചണ്ഡിഗഡില് വികസനത്തിന്റെ പുതിയമുഖം ദര്ശിക്കാനാവുമെന്ന് ബിജെപി ചാണ്ഡിഗഡ് സെക്രട്ടറി തജീന്ദര് സിങ് ശ്രാണ് അഭിവാദ്യമര്പ്പിച്ചുകൊണ്ടു പറഞ്ഞു.
