കൊറോണയിൽ നിന്ന് രക്ഷപ്പെടാൻ ഏവരും ശ്രമിക്കുമ്പോൾ എങ്ങനെയെങ്കിലും കൊറോണ പിടിപെടാൻ പരിശ്രമിക്കുകയാണ് യുവതി. ഇതിനായി താൻ എന്തും ചെയ്യാൻ തയ്യാറാണെന്നാണ് യുവതി പറയുന്നത്. ഇതിന്റെ കാരണം തിരക്കിയപ്പോൾ, സ്വന്തം കല്ല്യാണം മുടക്കാനാണ് കൊറോണ പിടിപെടാൻ ആഗ്രഹിക്കുന്നതെന്ന് യുവതി വെളിപ്പെടുത്തി.
മെൽബണിൽ നിന്നുള്ള യുവതിയാണ് ഇത്തരത്തിൽ പരിശ്രമിക്കുന്നത്. അപരിചിതരെ കെട്ടിപിടിച്ചും, അവർ കുടിച്ച് ബാക്കിവെച്ച പാനിയങ്ങളും, ഭക്ഷണങ്ങളും അകത്താക്കിയുമാണ് യുവതി കൊറോണ വൈറസ് പിടിപെടാൻ പെടാപാട് പെടുന്നത്. യുവതിയുടെ ഈ പ്രവൃത്തികളും പ്രതികരണങ്ങളും നിറഞ്ഞ ദൃശ്യങ്ങൾ സമൂഹമാദ്ധ്യമങ്ങളിൽ വൈറലായി.
‘ഓസ്ട്രേലിയയിൽ കൊറോണ വ്യാപനം വർദ്ധിച്ചിട്ടും എനിക്ക് എന്തുകൊണ്ടാണ് പിടിപെടാത്തത്? വെറും ആറ് ആഴ്ചക്കുള്ളിൽ എന്റെ വിവാഹമാണ്. അതിന് മുൻപ് എനിക്ക് കൊറോണ പിടിപെടണം’ യുവതി പ്രതികരിച്ചു.
ഇപ്പോൾ വിവാഹം വേണ്ടെന്നും കുടുംബം നിർബന്ധിക്കുകയാണെന്നും അതിൽ നിന്ന് രക്ഷ നേടാനാണ് കൊറോണ പിടിപെടാൻ ആഗ്രഹിക്കുന്നതെന്നും യുവതി പറയുന്നു. ഓസ്ട്രേലിയയിൽ ഒമിക്രോൺ വ്യാപനത്തെ തുടർന്ന് കടുത്ത നിയന്ത്രണങ്ങളാണ് ഏർപ്പെടുത്തിയത്. എന്നാൽ വിവാഹ പാർട്ടികൾക്ക് എന്തുകൊണ്ട് നിയന്ത്രണമില്ലെന്നും യുവതി ചോദിക്കുന്നു.
Comments