കോഴിക്കോട്: സുധാകരൻ തോക്ക് കൊണ്ടു നടക്കുന്ന കോൺഗ്രസുകാരനാണെന്ന് പി.സി ചാക്കോ. സുധാകരനിൽ നിന്നും നല്ല വാക്ക് ആരും പ്രതീക്ഷിക്കുന്നില്ലെന്നും കേരളത്തിലെ ഭൂരിപക്ഷം കോൺഗ്രസുകാരും സുധാകരനെ അംഗീകരിക്കുന്നില്ലെന്നും പി.സി ചാക്കോ പറഞ്ഞു. കോഴിക്കോട് മാദ്ധ്യമങ്ങളോട് സംസാരിക്കുകയായിരുന്നു അദ്ദേഹം.
കോൺഗ്രസിൽ ആരും അക്രമത്തെ പ്രോത്സാഹിപ്പിക്കുന്നവരല്ല. സുധാകരന്റെ പശ്ചാത്തലം അതല്ല. അക്രമത്തിന് ആഹ്വാനം ചെയ്യുകയും തോക്ക് കൊണ്ടു നടക്കുകയും ചെയ്യുന്ന കോൺഗ്രസുകാരനാണ് സുധാകരൻ. നിർഭാഗ്യവശാൽ കെപിസിസി അദ്ധ്യക്ഷന്റെ പദവിയിൽ അദ്ദേഹം എത്തിയത് കോൺഗ്രസ് ഇന്ന് എത്രത്തോളം തകർച്ചയിലേക്ക് എത്തിയിരിക്കുന്നുവെന്നതിന്റെ സൂചനയാണ്.
അക്രമത്തെ ന്യായീകരിക്കുകയും അക്രമകാരികളെ സംരക്ഷിക്കുകയും ചെയ്യുന്നതാണ് സുധാകരന്റെ നയമെങ്കിൽ കേരളത്തിലെ കോൺഗ്രസിൽ സുധാകരനെതിരെ വലിയ വിഭാഗം ആളുകൾ നിലപാടെടുക്കുന്ന ദിവസം വരാൻ പോകുന്നുവെന്നും പി.സി ചാക്കോ പറഞ്ഞു.
Comments