മലപ്പുറം : ചങ്ങരംകുളത്ത് ബിരുദ വിദ്യാർത്ഥികൾ തമ്മിൽ സംഘർഷം. ചങ്ങരംകുളം ഹസബ ആർട്സ് ആന്റ് സയൻസ് കോളേജിലെ വിദ്യാർത്ഥികളാണ് പരസ്പരം ഏറ്റുമുട്ടിയത്. ബിഎസ്സി രണ്ടാം വർഷ വിദ്യാർത്ഥികളും സീനിയർ വിദ്യാർത്ഥികളും തമ്മിലാണ് സംഘർഷമുണ്ടായത്.
വൈകീട്ടോടെയായിരുന്നു സംഭവം. റാഗിംഗുമായി ബന്ധപ്പെട്ട പ്രശ്നങ്ങളാണ് വലിയ സംഘർഷത്തിലേക്ക് വഴിവെച്ചതെന്നാണ് രണ്ടാംവർഷ വിദ്യാർത്ഥികൾ പറയുന്നത്. സീനിയർ വിദ്യാർത്ഥികൾ അടിക്കടി ഉപദ്രവിക്കാറുണ്ടെന്നും, ഇത് ചോദ്യം ചെയ്തതിനെ തുടർന്ന് മർദ്ദിക്കുകയായിരുന്നുവെന്നും രണ്ടാം വർഷ വിദ്യാർത്ഥികൾ വ്യക്തമാക്കുന്നു.
സംഭവത്തിൽ പോലീസ് കേസ് എടുത്ത് അന്വേഷണം ആരംഭിച്ചു. സംഘർഷമുണ്ടാക്കിയതിനാണ് വിദ്യാർത്ഥികൾക്കെതിരെ പോലീസ് കേസ് രജിസ്റ്റർ ചെയ്തിരിക്കുന്നത്. രണ്ടാംവർഷ വിദ്യാർത്ഥികൾ ആരോപിക്കുന്നതുപോലെ റാഗിംഗ് ഉണ്ടായിട്ടുണ്ടോയെന്ന് പോലീസ് പരിശോധിക്കും. റാഗിംഗുമായി ബന്ധപ്പെട്ട പരാതികൾ ഇതുവരെ ലഭിച്ചിട്ടില്ലെന്നാണ് പ്രിൻസിപ്പാൾ പറയുന്നത്. ഇതിന് മുൻപും കോളേജിൽ സമാനമായ രീതിയിൽ സംഘർഷങ്ങൾ ഉണ്ടായിട്ടുണ്ട്.
Comments