ശ്രീനഗർ : ജമ്മു കശ്മീരിൽ സുരക്ഷാ സേനയ്ക്ക് നേരെ ഭീകരാക്രമണം. വാഹനങ്ങളിലായി എത്തിയ ഭീകര സംഘം സിആർപിഎഫ് സേനാംഗങ്ങൾക്ക് നേരെ വെടിയുതിർത്തു. അനന്തനാഗിലായിരുന്നു സംഭവം.
സിആർപിഎഫ് ബങ്കറുകൾക്ക് നേരെയാണ് ആക്രമണം ഉണ്ടായത്. വാഹനങ്ങളിൽ എത്തിയ ഭീകരർ വെടിയുതിർക്കുകയായിരുന്നു. നാല് ബുള്ളറ്റുകൾ ബങ്കറുകളിൽ പതിച്ചു. സംഭവ ശേഷം രക്ഷപ്പെട്ട പ്രതികൾക്കായി സുരക്ഷാ സേന തെരച്ചിൽ തുടരുകയാണ്.
ആക്രമണത്തിൽ ആരും മരിക്കുകയോ, ആർക്കും പരിക്കേൽക്കുകയോ ചെയ്തിട്ടില്ല. സംഭവത്തിന്റെ പശ്ചാത്തലത്തിൽ പ്രദേശത്ത് അതീവ ജാഗ്രതാ നിർദ്ദേശം പുറപ്പെടുവിച്ചിരിക്കുകയാണ്.
Comments