കൊല്ലം : തെക്കൻ ജില്ലകളിൽ ക്വട്ടേഷൻ നടത്തിയിരുന്ന ഗുണ്ടാസംഘം പിടിയിൽ . ക്വട്ടേഷൻ പരിപാടി ആസൂത്രണം ചെയ്യുന്നതിനിടയ്ക്കാണ് സംഘത്തെ പോലീസ് അറസ്റ്റ് ചെയ്തത് .
കായംകുളം ചേരാവള്ളി ഓണമ്പള്ളിൽ വീട്ടിൽ സമീർ (30), കരുനാഗപ്പള്ളി തൊടിയൂർ ഇടയിലെ വീട്ടിൽ ഹാഷിർ (32), നൂറനാട് പാലമേൽ കുറ്റിപറമ്പിൽ ഹാഷിം (32), കോമളപുരം എട്ടു കണ്ടത്തിൽ വീട്ടിൽ മാട്ട കണ്ണൻ എന്ന് വിളിക്കുന്ന കണ്ണൻ (30), മാവേലിക്കര പല്ലാരിമംഗലം ചാക്കൂർ വീട്ടിൽ ഉമേഷ് (30), ഓച്ചിറ മേമന ലക്ഷ്മി ഭവനത്തിൽ കുക്കു എന്ന് വിളിക്കുന്ന മനു (28), കായംകുളം വരിക്കപ്പള്ളിൽ വീട്ടിൽ ഷാൻ (30) എന്നിവരാണ് പിടിയിലായത്.
ഇവർക്ക് പുറമേ കാപ്പ ചുമത്തി നാടു കടത്തിയിരുന്ന എരുവ ഇല്ലത്ത് പുത്തൻ വീട്ടിൽ ജിജീസ് വില്ലയിൽ തക്കാളി ആഷിഖ് എന്ന് വിളിക്കുന്ന ആഷിഖ് (27), പത്തിയൂർ എരുവ ചെറുകാവിൽ കിഴക്കതിൽ വീട്ടിൽ വിഠോബ ഫൈസൽ (27) എന്നിവരെയും പോലീസ് പിടികൂടി. ആലപ്പുഴ, കായംകുളം, ഓച്ചിറ എന്നിവിടങ്ങളിലായി നിരവധി കേസുകളിൽ ഇവർ പ്രതികളാണ്
കാപ്പാ പ്രകാരം നാടുകടത്തിയ വിഠോബ ഫൈസലും, തക്കാളി ആഷിഖും ഉത്തരവ് ലംഘിച്ചാണ് ജില്ലയിൽ പ്രവേശിച്ച് ഈ ഗുണ്ടാ പ്രവർത്തനം നടത്താൻ എത്തിയത് . കാപ്പാനിയമം ലംഘിച്ചതിനും ഇവർക്കെതിരെ കേസെടിത്തിട്ടുണ്ടെന്ന് പോലീസ് പറഞ്ഞു .
