ഐപിഎൽ താരലേലത്തിന് മുന്നോടിയായി നടന്ന ചടങ്ങിൽ പങ്കെടുത്ത് ആര്യൻ ഖാൻ. ലഹരിമരുന്ന് കേസിൽ ജാമ്യം ലഭിച്ചതിന് ശേഷം ഇതാദ്യമായാണ് ആര്യൻ ഖാൻ ഒരു പൊതു പരിപാടിയിൽ പങ്കെടുക്കുന്നത്. ആര്യൻ ഖാനൊപ്പം സഹോദരി സുഹാന ഖാനും ചടങ്ങിൽ പങ്കെടുത്തു. കൊൽക്കത്ത നൈറ്റ് റൈഡേഴ്സ് ഉടമയായ ഷാരൂഖ് ഖാനെ പ്രതിനിധീകരിച്ചാണ് ഇരുവരും ഇതിൽ പങ്കെടുത്തത്. ഷാരൂഖ് ഖാൻ ഇവിടെ എത്തിയിരുന്നില്ല.
വെളുത്ത ടീഷർട്ടും കോട്ടുമായിരുന്നു ആര്യന്റെ വേഷം. സുഹാനയും സമാനമായ വസ്ത്രമാണ് ധരിച്ചത്. ആര്യൻ ഈ പരിപാടിയിൽ പങ്കെടുത്തതിന്റെ ചിത്രങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. ജൂഹി ചൗളയും ഷാരൂഖ് ഖാനുമാണ് ഐപിഎല്ലിലെ പ്രധാന ടീമുകളിലൊന്നായ കൊൽക്കത്ത നൈറ്റ് റൈഡേഴ്സിന്റെ ഉടമകൾ. ജൂഹി ചൗളയുടെ മകൾ ജാൻവി മേത്തയേയും സുഹാനയ്ക്കും ആര്യനും സമീപത്തായി കാണാം.
കഴിഞ്ഞ വർഷമാണ് ഐപിഎൽ താരലേലത്തിന്റെ ചടങ്ങിൽ ആദ്യമായി ആര്യൻ ഖാൻ പങ്കെടുക്കുന്നത്. ആര്യനൊപ്പം ജാൻവിയും നിൽക്കുന്ന ചിത്രം ജൂഹി ചൗള അന്ന് സമൂഹമാദ്ധ്യമങ്ങളിൽ പങ്കു വച്ചിരുന്നു.
Comments