ന്യൂഡൽഹി: എയർ ഇന്ത്യയുടെ പുതിയ സിഇഒയും എംഡിയുമായി തുർക്കി എയർലൈൻസിന്റെ മുൻ ചെയർമാൻ ഇൽക്കർ ഐസിയെ നിയമിച്ചു. എയർ ഇന്ത്യയുടെ പുതിയ ഉടമകളായ ടാറ്റ ഗ്രൂപ്പാണ് ഇക്കാര്യം അറിയിച്ചത്. ടാറ്റ സൺസ് ചെയർമാൻ എൻ ചന്ദ്രശേഖരമൻ പങ്കെടുത്ത ബോർഡി മീറ്റിംഗിലാണ് ഐസിയുടെ നിയമനം അംഗീകരിച്ചത്.
‘ഒരു വ്യോമയാന വ്യാവസായ പ്രമുഖനാണ് ഇൽക്കർ ഐസി. ടർക്കിഷ് എയർലൈസിനെ വിജയ കുതിപ്പിലേയ്ക്ക് നയിക്കുന്നതിൽ അദ്ദേഹം വഹിച്ച പങ്ക് ചെറുതല്ല. എയർ ഇന്ത്യയെ പുതിയ യുഗത്തിലേയ്ക്ക് നയിക്കാൻ തുടങ്ങുന്ന ടാറ്റ ഗ്രൂപ്പിലേയ്ക്ക് ഇൽക്കറെ സ്വഗതം ചെയ്യുന്നു. ഇതിൽ ഞങ്ങൾക്ക് അതിയായ സന്തോഷമുണ്ട്’ എൻ ചന്ദ്രശേഖരൻ പറഞ്ഞു.
‘ടാറ്റ ഗ്രൂപ്പിന്റെ ഒരു ഭാഗമാകുവാൻ സാധിച്ചതിൽ ഞാൻ അതീവ സന്തുഷ്ടനാണ്. എയർ ഇന്ത്യ എന്ന മഹത്തായ ഒരു എയർലൈസിനെ നയിക്കാൻ അവസരം ലഭിച്ചത് എന്റെ ഭാഗമായി കണക്കാക്കുന്നു’ ഇൽക്കർ ഐസി അറിയിച്ചു.
1971ൽ ഇസ്താംബൂളിലാണ് ഇയൽക്കർ ജനിച്ചത്. ബിൽകെന്റ് യൂണിവേഴ്സിറ്റിയിലെ പൊളിറ്റിക്കൽ സയൻസ് ആൻഡ് പബ്ലിക് അഡ്മിനിസ്ട്രേഷമൻ വകുപ്പിലെ പൂർവ്വ വിദ്യാർത്ഥിയാണ് ഇൽക്കർ.
Comments